Псыхуабэ епархием и щIалэгъуалэр къикIыжащ «БлэкIар. Иджырейр. КъэкIуэнур» III Дунейпсо чристэн щIалэгъуалэ фестивалым. Псыхуабэ, Черкесск щIыналъэхэм я архиепископ Фоефилакт и арэзыныгъэкIэ, члисэ округхэм я щIалэгъуалэ центрхэм я лIыкIуэхэр 2018 гъэм шыщхьэуIум и 23-м ВДНХ-м щыIащ, епархие, къэрал зэмылIэужьыгъуэхэм къикIахэм щепсэлъылIам. Ди лIыкIуэхэм яфIэгъэщIэгъуэну зыщаплъыхьащ тактильнэ тхьэнапэхэр къызэрыщIагъэкIым, «Зерно истины» джэгукIэм хэтащ, Кърымым зэрыкIуэну путёвкэ къахьащ, къыкIэлъыкIуэ зэхьэзэхуэм. НыбжьыщIэхэр тепсэлъыхьащ ди епархием и щIалэгъуалэм я гъащIэм. Сретенскэ зэхуэсыр, «Зелёный Афон», «Мир всем» зэхуэсхэр… Ахэр нэгъуэщI щIыпIэхэм къикIа щIалэгъуалэм щIэщыгъуэ ящыхъуащ. Нэхъыщхьэ хъуат Патриарх Кирилл зэрыIущIар. НыбжьыщIэхэм гъэщIэгъуэн ящыхъуащ абы и жэуапхэмрэ абыхэм ящIэлъ гупсысэхэмрэ. Я зэфIэкIхэмкIэ зэхъуажэри, Псыхуабэ епархием и лIыкIуэхэм къагъэзэжащ.