Быйыл август айны 23-де Нарсана шахарда Целитель Пантелеймон шыйыхны клисасында, Нарсана клиса округну динчилерини тобагъа тюшюнюулери бла джыйылыулары болуб етдю. Тобагъа къайтыу адетни благочинияны динчиси протоирей Лиманов Гермоген бардырды. Кесини оюмлашдыргъан сезюнде ол православ динчини намыслыгъына уллу магъана берди, нек дегенде ол Аллахны къолунда саутду.Тобагъа къайтхан адетден сора православ динчиле Дин къуллукъ этдиле. Аны ызы бла 2016-чы джыл ауушхан, бу клисаны джангыдан къурагъан протоирей Величко Вячеславгъа дуа этдиле. Православ динчиле танга аласы бла парастас дуа этдиле. Дин къуллукъдан сора Вячеслав бабасны къабырында православ адетдеча джаназы дуа этдиле. Аны маулут ашында барыда аны эсге тюшюрдюле. Православ динчилени джыйылыуларына благочинияны джуаблы динчиси протоирей Знаменский Иоанн башчылыкъ этди. Анда Орус Правосла Клисаны Межсоборный присутствиясыны «Положение о благочиннических округах, входящих в состав епархий, и о благочинных»,деген документини проектине уллу эс белдюле. Андан сора быйыл июль айны 14-де Сыйлы Синод алгъан бегим бла да шагърей болдула. Джыйлыуда дагъыда талай магъаналы сорууланы да сюзюб август педсоветге да делегатланы айырдыла.