Быйыл август айны 14-де Къабарты-Малкъарны Терскъол элинде «Вахта памяти 2018» деген Регнионлаарасы акция башланнганды. Аны аллын, 1942-чи джыл Минги Тауда баргъан урушда елген 14 аскерчини асырау эмда бушуу митингден башладыла. Ол церемониягъа Эльбрус районну къонакълары бла джамагъаты, республиканы власт органларыны тамадалары, Эресейни Къоруулау Министерствосуну, джамагъат организацияланы эмда къралны джер-джеринден излеу къозгъалыуланы келечилери келген эдиле. Пятигорск епархияны атындан да православ динчи Афонин Иоанн къошулгъан эди. Ол православ адетдеча елген аскерчилеге джаназы дуа окъуду. Эресейни Гимни бла юч кере тобладан атыу таууш бла Къызыл Аскерчилени сюеклерин джерге бердиле.