Быйыл августну 2-де Пятигорске бла Черкесскени архиепископу Феофилакт Къарачай-Черкесияда эм эски Ильинский клисада байрамгъа башчылыкъ этди. Дин къуллукъда Архиерейге болушлукъну, епархияны 30 православ динчилери клисаны тамадасы архимандрит (Данилов) Антонийни башчылыгъы бла этдиле. Диаон чынга да протодиакон Куба Димитрий тамадалыкъ этди. Дин къуллукъгъа динчи дараджалары болгъан Эресейни регионларындан эмда Германиядан адамла къошулгъан эдиле. Онунчу емюрдеишленнген Аланияны бай адамларыны бирини арбазында клиса болуб тургъан гитче Ильинский клисачыкъ бусагъатда Тебен Архызда быллай байрамлагъа джыйылгъан кесине талай адамны сыйындыралмайды. Ма быйыл джетинчи кере болады архиерейли дин къуллукъга къошулургъа деб минг бла джарымдан артыкъ адам
келгенди. Аланы арасында къазакъла, Хауа-космос кючлени аскерчилери, юнармеецле, Пятигорск епархияны тиширыу монастырларыны насельницалары. Ол дин къуллукъда артыкъ да бек, бу кюнледе Клиса белгилеген Русну Крещениясына 1030 джыл толгъанына уллу эс белдюле. Литургия бла къачлы джюрюшден сора архиепископ Феофилакт джыйылгъанлагъа оюмлашдыргъан сезле айта ауаз берди.