2018 гъэм мэкъуауэгъуэм и 2-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ ЕссэнтIыгу станицэм Тхьэм папщIэ бэлыхь куэд зрагъэшэча Екатеринэ и цIэр зезыхьэ и члисэм. Щихънагъым къулыкъур драгъэкIуэкIащ ЕссэнтIыгу члисэ округым и екIуэлIапIэхэм я благочиннэ щоджэн нэхъыжь Еланцев Сергий, ЕссэнтIыгу станицэм и Екатерининскэ члисэм и унафэщI щоджэн Тростинский Сергий. Къардэн къулыкъур иригъэкIуэкIащ къардэн нэхъыжь Кубэ Димитрий. Литургиер иригъэкIуэкIащ регент Кубэ Аннэ зригъакIуэ щоджэн нэхъыщхьэм и хорым. Пастыр нэхъыщхьэм щIыгъуу Тхьэ елъэIуну къызэхуэсащ ЕссэнтIыгу станицэм дэсхэр, Георгиевскэ цIыхубз къулъшырыфым и монахиня игумение Варварэ (Шурыгинэ) зи пашэм, Кавказым и Минводы къалэхэм къикIыу щIыналъэ лъапIэм Тхьэ
елъэIуну къэкIуахэр. Инджылым къеджа нэужь архиепископ Феофилакт узэщIыныгъэр жиIащ. Литургие нэужьым щихънагъым махуэшхуэр иIэтащ, екIуэлIапIэм къэкIуахэм, члисэм и ктиторхэу Айтовхэ Валерийрэ Павелрэ епсэлъащ. Махуэшхуэр щиухым зэгъусэу сурэт зытрагъэхащ. А махуэм Пастыр нэхъыщхьэр щыIащ епархием иппотерапиемкIэ и «Целебный Ессентуки» центрым.