Псыхуабэ, Черкесск епархием и архитектурно-ухуэныгъэ комиссэм хэтхэр щыIащ Налшык члисэ округым и члисэхэм. Члисэхэр къэпщытэным хэтащ епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, округым и екIуэлIапIэхэм я благочиннэ щоджэн нэхъыжь Бобылев Валентин, епархием и архитектор Чечин Олег, епархием и складым и унафэщI Чечин Сергей.
Епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, епархием и архитектор Чечин Олег сымэ зыхагъэгъэгъуэзащ ухуэныгъэ лэжьыгъэхэм, благочинием щрагъэкIуэкIхэм, зыхуэныкъуэ чэнджэщхэр иратащ. Комиссэм и лэжьыгъэр ирагъэжьащ Бахъсэн къалэм щаухуэ члисэм и еплъыныгъэкIэ. Абы чэнджэщ щатащ щхьэгъубжэ лъабжьэхэм я лъагагъым гулъытэ хуащIыну, псом хуэмыдэу тыхь щIапIэм деж. ИужькIэ къэпщытакIуэ гупыр Бахъсэн къалэм Тхьэм и Анэм и Покров члисэм кIуащ икIи Тырныауз къалэм Тхьэм папщIэ бэлыхь куэд зрагъэшэча Георгий и цIэр зезыхьэм зыщаплъыхьащ.