2018 гъэм накъыгъэм и 24-м, щихъ, апостол пэлъытэ, Словен егъэджакIуэ Мефодийрэ Кириллрэ я фэеплъ махуэм, Москварэ Урысей псомрэ я Патриарх Кириллрэ Сербием и Патриарх Иринейрэ тхьэлъэIу литургие щрагъэкIуэкIащ Москва КъегъэлакIуэ Христос и цIэр зезыхьэ и кафедральнэ члисэ зэхуэхьэсам. А махуэм апхуэдэу ягъэлъапIэ славян тхыбзэмрэ щэнхабзэмрэ я махуэмрэ Патриарх Кирилл и махуэмрэ.
Лиутргием хыхьэу Патриарх Кириллрэ Патриарх Иринейрэ Урыс Чристэн Члисэм и члисэ зэхуэхьэсам къулыкъур щыдригъэкIуэкIащ Псыхуабэ, Черкесск щIыналъэхэм я архиепископ Феофилакт.
ТхьэлъэIум хэтащ Москварэ Урысей псомрэ я Патриархым и деж щылажьэ Антиохийскрэ КъуэкIыпIэ псомрэ я Патриархым и лIыкIуэ Чристэн Члисэхэм я лIыкIуэ Филлипинск и митрополит Нифон, Члисэмрэ жылагъуэмрэ хъыбарегъащIэ IэнатIэхэмрэ я зэхущытыкIэхэмкIэ Синод къудамэм и унафэщI Легойдэ В. Р., Урыс Чристэн Члисэм и «Софрино» художественно-производственнэ IуэхущIапIэм и генеральнэ унафэщI Пархаев Е. А., чристэн лъэпкъхэм я зэгухьэныгъэм и дунейпсо жылагъуэ фондым и президент Алексеев В. А., Урыс Чристэн Члисэм и цIыхубз къулъшырыфхэм я унафэщIхэр, къалащхьэм щIыналъэм Тхьэ щелъэIуну къэкIуахэмрэ абы щыпсэухэмрэ.
ТхьэлъэIум уэрэд щыжаIащ КъегъэлакIуэ Христос и цIэр зезыхьэ Члисэм и Патриаршэ хорымрэ (регентыр Толкачев И. Б.) архимандрит Глеб (Кожевников) зригъакIуэ Троицэ-Сергиевэ лаврым и хорымрэ. Лиутргиер члисэславяныбзэкIэ, алыджыбзэкIэ, сербыбзэкIэ, японыбзэкIэ жаIащ. «Союз», «Спас» телеканалхэмкIэ Патриаршэ тхьэлъIэухэр ирагъэкIуэкIащ.
Ектением Патриарх Кирилл и махуэр щагъэлъэпIащ. Крутицкрэ Коломенскрэ я митрополит Ювеналий тхьэлъэIум къеджащ. Урыс Чристэн Члисэм и УнафэщIым тхьэлъэIу иригъэкIуэкIащ Украинэм мамырыгъэр щызэфIэувэжын папщIэ. Апостол пэлъытэхэу Кириллрэ Мефодийрэ ягъэлъэпIащ. Москва епархием и Патриаршэ лIыкIуэ, Крутицкрэ Коломенскрэ я митрополит Ювеналий Урыс Чристэн Члисэм и Синод лъапIэм и хъуэхъу Патриарх Кирилл хуэгъэзар жриIащ икIи Троицэ тхьэнапэмрэ удз гъэгъамрэ тыгъэ
хуищIащ.
Урыс Чристэн Члисэм и Iэтащхьэм тхьэлъэIум хэтхэм захуигъэзащ. «Тхьэм сыт щыгъуи фыкъихъумэ икIи фи лэжьыгъэхэмкIэ къывдреIэпыкъу. хъуэхъукIэ зыкъысхуэзыгъэза дэтхэнэми фIыщIэ фхузощI, тхьэлъэIум къыздыхэтахэм, Урыс чристэн Члисэм ехьэлIа си лэжьыгъэхэр къыздэзыIыгъхэм махуэшхуэмкIэ сынывохъуэхъу!» - жиIащ Патриарх Кирилл и псалъэр щиухым.
Архиепископ Феофилакт Псыхуабэ епархиемрэ Тыркуменистаным и екIуэлIапIэхэмрэ къабгъэдэкIыу Патриарх Кирилл ехъуэхъуащ. Патриарх Кирилл щоджэнхэмрэ фIэщхъуныгъэ зиIэхэмрэ Тхьэм и нэфI къащихуэну захуигъэзащ.