2018 гъэм накъыгъэм и 21-м, пщыхьэщхьэм, телъыджэ къэзыгъэхъу Николай и къарум щыщ Iыхьэхэр щагъэIэпхъуэным ирихьэлIэу, Псыхуабэ, Черкесск щIыналъэхэм я архиепископ Феофилакт иригъэкIуэкIащ Псыхуабэ и Никольскэ члисэм и махуэшхуэ тхьэлъэIур. Щоджэн нэхъыщхьэм къулыкъур драгъэкIуэкIащ Псыхуабэ члисэ округым и щоджэнхэм епархием и щоджэн нэхъыжь Устименко Филипп я пашэу. Пастыр нэхъыщхьэм щIыгъуу Тхьэ елъэIуну къызэхуэсащ псыхуабэдэсхэмрэ зыгъэпсэхупIэм и хьэщIэхэмрэ. Щихънагъым махуэшхуэ тхьэлъэIур иригъэкIуэкIащ, Инджылым къеджащ икIи фIэщхъуныгъэ зиIэхэм гъэнэхуа дагъэм щыщ ящихуащ. ТхьэлъэIу нэужьым архиепископ Феофилакт щоджэнхэмрэ фIэщхъуныгъэ зиIэхэмрэ узэщIыныгъэкIэ захуигъэзащ.
2018 гъэм накъыгъэм и 22-м, махуэшхуэм ирихьэлIэу, Пастыр нэхъыщхьэм иригъэкIуэкIащ ЕссэнтIыгу къалэм и Никольскэ члисэм и тхьэлъэIу литургиер. Щоджэн нэхъыщхьэм къулыкъур драгъэкIуэкIащ ЕссэнтIыгу члисэ округым и щоджэнхэм благочиннэ щоджэн нэхъыжь Еланцев Сергий я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий. Члисэм щызэхуэсащ къалэдэсхэр, зыгъэпсэхупIэм и хьэщIэхэр, Кавказым и Минводы и къалэхэмрэ къуажэхэмрэ къикIыу щIыналъэ лъапIэм Тхьэ елъэIуну къэкIуахэр. ТхьэлъэIу нэужьымрэ зэгъусэ тхьэлъэIумрэ иужькIэ щихъ Николай и фэеплъыр ягъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.