2018 гъэм накъыгъэм и 18-м Псыхуабэ, Черкесск щIыналъэхэм я архиепископ Феофилакт хэтащ урысей полицэр илъэс 300 зэрырикъум теухуауэ ирагъэкIуэкIа фэеплъ пэкIум. Урысей МВД-м и унафэщIхэм даIыгъащ Москварэ Урысей псомрэ я Патриарх Кирилл зи къалэн зыгъэзащIэу хэкIуэда къэралкIуэцI органхэм я лэжьакIуэхэм папщIэ тхьэлъэIу ирагъэкIуэкIыну къыхалъхьа Iуэхум.
Фэеплъым зи унэцIэ тетхэм я бжыгъэр 19 мэхъу. Зэхыхьэм хэтащ Урысей МВД-м КИФЩI-м щиIэ къудамэм и лэжьакIуэхэмрэ и унафэщIымрэ, УФ-м и Президентым и полномочнэ лIыкIуэу КИФЩI-м щыIэм и къуэдзэ Попов Валерий, Псыхуабэ къалэм и Iэтащхьэ Скрипник Андрей, Псыхуабэ, Черкесск щIыналъэхэм я архиепископ Феофилакт, Ставрополь крайм и муфтий Рахимов Мухьэммэд-хьэжы, Жылагъуэ советым и унафэщI Сикоев Сослъэнрэ ветеранхэм я ЗэзыгъэуIу советым и Iэтащхьэ Кравцов Алексейрэ, хэкIуэдахэм я унагъуэхэм щыщхэр.
Къызэхуэсахэм зыхуагъэзащ Урысей МВД-м КИФЩI-м щиIэ къудамэм и унафэщI, полицэм и генерал-лейтенант Бачурин Сергей, УФ-м и Президентым и полномочнэ лIыкIуэм и къуэдзэ Попов Валерий, нэгъуэщI хьэщIэ лъапIэхэм. ХэкIуэдахэм я Iыхьлыхэмрэ благъэхэмрэ яхуэгузэващ зэхуэсахэр икIи къыхагъэщащ хабзэхъумэ органхэм я лэжьакIуэхэм я фэеплъыр зыщамыгъэгъупщэн зэрыхуейр. ХэкIуэдахэм я фэеплъыр зы дакъикъэкIэ ягу къагъэкIыжащ.
ХэкIуэдахэм я тхьэлъэIур иригъэкIуэкIащ щихънагъ Феофилакт. ХьэщIэ лъапIэхэм, полицэм и лэжьакIуэхэм, хэкIуэдахэм я благъэхэм, Iыхьлыхэм удз гъэгъахэр тралъхьащ фэеплъым.