Минеральные Воды шахарда Пасха байрамны бериу кюнде Пятигорске бла Черкесскени архиепископу Феофилакт Георгий тиширыу монастырда Дин къуллукъ бардырды. Архиерейге дин къуллукъ болушлукъну монастырны динчиси протоирей Лиманов Гермогенни башчылыгъы бла монастырны дин къуллукъчулары этдиле. Диакон чыннга, протодиакон Куба Димитрий башчылыкъ этди. Архипастырь бла бирге табын этерге тегерекде шахарла бла элледен адамла да келген эдиле. Дин къуллукъну аллы бла, Владыкагъа монастырны башчысы игумения(Шурыгина) Варвараны башчылыгъы бла дин эгечле бла монастырда орналгъан «София» приют пансионатны къызчыкълары джылы тюбеген эдиле. Литургия бла къачлы джюрюшден сора Архиерей Джыйылгъан православлылагъа ауаз берди. Ол кюн огъунакъ Минеральные Воды шахарны Благовещенский клисасында архиепископ Феофилакт В.И. Сафонов атлы Ставрополь край музыка колледжни директору Дмитриевский Андрей бла бирге , колледжни базасында къуралгъан епархиал регент курсланы бошагъан 13 адамгъа свидетельствола бердиле. Ол выпускниклени арасында студентле бла бирге клисаны тамадалары ашыргъан клисагъа джюрюген джамагъат да бар эди. Усталыкъ алгъан оноуланны Пятигорск епархияны приходларына юлешгендиле. Бу джарыкъ церемонияда дин музыка концерт да бара эди. Келген къонакълагъа да устазлагъа да ол концертни Регент курсланы студентлери хазырлагъан эдиле. Владыка, курсланы студентлерини арасында дирижер конкурсда хорлагъанлагъа сыйлы саугъала берди. Ол кюн огъунакъ кече Архиерей Вознесения Господня деген байрамда кечеги дин къуллукъну Пятигорскени Спасс ара клисасында бардырды. Архиерейге дин къуллукъ болушлукъну клисаны клириклери этдиле. Ол байрамда дин джырлары регент Куба Анна башчылыкъ этген клисаны хору джырлады. Владыка байрамгъа джоралаб Инджил окъуб, православ дин ахлулагъа елей джаудан да джакъды.