Минводы хуит къэзыщIыжа 140 бригадэм и танкист 41-рэ зыхэта, 1943 гъэм щIышылэм и 12-м хэкIуэдахэм я цIэхэр зытет фэеплъ пхъэбгъу Утренняя Долина щIыпIэм 2018 гъэм накъыгъэм и 4-м къыщызэIуахащ. Пхъэбгъур щагъэуващ илъэс 60 и пэкIэ ягъэува фэеплъым деж. Иджы фэеплъым деж пхъэбгъуитI щытщ. Япэрейм танкисти 111-м, иджырейм танкист 41-м я цIэхэр тетщ. Зэхыхьэм цIыху 300-м щIигъу хэтащ. Апхуэдэхэщ Хэку зауэшхуэм и ветеранхэр, депутатхэр, Правительствэм я лIыкIуэхэр, Минераловодскэ члисэ округым и екIуэлIапIэхэм я благочиннэ щоджэн нрэхъыжь Панасенкэ Алексий.
ЛIыхъужьхэм я цIэхэр, я дзэ частхэр Урысейм ЗыхъумэжыныгъэмкIэ и министерствэм и материалхэм, интернетым къыщагъуэтащ Бекичев Андрейрэ Санкт-Петербург щыщ Бартеньевэ Ларисэрэ. ХэкIуэдахэм я нэхъыжь дыдэр илъэс 37-рэ хъурт. НэхъыщIэр илъэс 19 хъурт. Фэеплъыр зэригъэпэщыжащ «Газпром трансгаз Ставрополь» компанием.
А зэманым кхъуэшыкхъэм цIыху 370-рэ щыщIалъхьащ, щIыпIэр хуит къащIыжу хэкIуэдахэр. ПэкIу нэужьым зауэлIхэм я псэр зэгъэн папщIэ тхьэлъэIу ирагъэкIуэкIащ.