2018 гъэм накъыгъэм и 4-м Черкесск и Свято-Сергиевскэ гимназием «Чристэн жэрдэм 2017-2018» грант зэпиеуэм пашэ щыхъуа "Карачаево - Черкесия и Православная Церковь на Кавказе в XIX - XX вв. Цикл просветительских бесед" проектым и узэщIыныгъэ зэIущIэ щекIуэкIащ. Абы хэтащ «Егъэджэныгъэ центр
№11-м» и гъэсэнхэр. ЗэIущIэм зыкърагъэхьэлIащ школым и унафэщI Ляшовэ Еленэ, Черкесск и Никольскэ члисэ зэхуэхьэсам и клирик щоджэн Гурин Александр, школым и егъэджакIуэхэм.
"Оккупация или 160 дней по германскому времени" докладыр ищIащ педагогикэ щIэныгъэхэм я кандидат Михайлов Игорь. Абы жиIащ Черкесск нэмыцэ-фашист зэрыпхъуакIуэхэр къыщебгъэрыкIуам къэхъуахэр. Гимназием и гъэсэнхэм къащIащ школым и Iэгъуэблагъуэ ахэр щеджэм нэмыцэхэм езэуа ныбжьыщIэ гуп зэрыщыIар. А гупым «Антилопа» фIащащ. Абы хагъэхьащ еджакIуэхэу Лапко Евграф, Хоменкэ Виталий, Семенов Федор. Доклад зыщIам къиIуэтэжахэр еджакIуэхэм апхуэдизкIэ щIэщыгъуэ ящыхъуати упщIэ зыбжанэкIэ зыхуагъэзащ. Абыхэм яфIэгъэщIэгъуэнт Черкесск и сымаджэщхэм я тхыдэр, зауэм ныбжьыщIэхэм щызэрахьа лIыгъэхэр.
Щоджэн, зауэлI, усакIуэ, Хэкур фIыуэ зылъагъу Афонин Василий теухуа IуэтэжкIэ гимназием и гъэсэнхэм я пащхьэм къыщыпсэлъащ щоджэн нэхъыжь Афонин Василий и къуэрылъху Ковалёвэ Руфинэ. Ар еджакIуэхэм яхутепсэлъыхьащ и адэшхуэм и гъащIэм, Хэку зауэшхуэм зэрыхэтам, зэи уIэгъэ эрымыхъуам, Берлин зэрынэсам, псэууэ къызэрелаа, зауэ нэужьым Духовнэ семинарием зэрыщIэтIысхьам Тхьэм къулыкъу хуищIэу щIидзащ, щоджэн хъури. И фIэщхъуныгъэм папщIэ ар бэлыхь куэдым хагъэтащ. Къызэхуэсахэм фIыщIэ яхуищIу къэпсэлъащ зэIущIэр къызэзыгъэпэща щоджэн Гурин Александр.