2018 гъэм накъыгъэм и 4-м, Псыхуабэ дэт Кавказ Ищхъэрэ федеральнэ университетым и къудамэм и унафэщI Шыбзыхъуэ Татьянэ иригъэблагъэри, Псыхуабэ, Черкесск щIыналъэхэм я архиепископ Феофилакт хэтащ «Караван культур» фестивалым. Кавказ Ищхъэрэ федеральнэ университетым и студентхэм къагъэлъэгъуащ я лъэпкъ хабзэр, щэнхабзэр, фэилъхьэгъуэхэр. Ягъэува лъэпкъ пщIантIэхэм фестивалым и хьэщIэхэм лъэпкъ шхыныгъуэхэм я IэфIагъым щеплъыну Iэмал яIащ. Фестивалым хэтхэм лъэпкъ къафэхэмрэ уэрэдхэмрэ ягъэзэщIащ. Зэхыхьэм хэтхэмрэ абы кърихьэлIа хьэщIэхэмрэ лъэпкъ щэнхабзэхэм я къулеигъэм зыхагъэгъуэзащ. Аращ фестивалым и къалэну щытари.
Студентхэм я махуэшхуэм иужькIэ фIыщIэ тхылъхэр иратащ СКФУ-м и профессор-егъэджакIуэ гупым и унафэщI, округым и полицэм, фестивалым хэтахэм, Урысейм ис лъэпкъхэм я зэкъуэтыныгъэр гъэбыдэным хэлъхьэныгъэфI зэрыхуащIам папщIэ. Фестивалыр Урысей МВД ГУ-м и Жылагъуэ советым СКФО- м щиIэ къудамэм и нэIэм щIэту ирагъэкIуэкIащ.