2018 гъэм накъыгъэм и 2-м, IутIыж зэгъусэ тхьэлъэIу нэужьым, Тхьэм и Анэм и Моздокская тхьэнапэр яIыгъыу, Псыхуабэ, Черкесск щIыналъэхэм я архиепископ Феофилакт щыIащ Къэбэрдей-Балъкъэрым и екIуэлIапIэхэм. Прохладнэм и Покров члисэм Пастыр нэхъыщхьэм зыщыхигъэгъуэзащ ухуэныгъэр зыхуэдэм, ухуэныгъэм и Iуэху зэIумыбзхэм.
ИужькIэ щихънагъым Бахъсэн къалэм и Покров члисэм и ухуэныгъэ утым щыIащ. А члисэм и япэ мывэр Москварэ Урысей псомрэ я Патриарх Кирилл 2016 гъэм накъыгъэм и 16-м игъэнэхуащ Налшык япэу къыщыкIуам. 2017 гъэм ухуэныгъэр жыджэру ирагъэжьащ, Псыхуабэ епархиер и дэIэпыкъуэгъуу. Иджыпсту члисэ блынхэр дращIеящ, ауэ иджыри мылъку зэгухьэныгъэр хуэныкъуэщ ухуэныгъэр адэкIэ ирагъэкIуэкIын папщIэ. Щихънагъыр унафэщIым, ухуакIуэхэм, члисэм екIуэлIэнухэм яIущIащ.
А махуэ дыдэм Щоджэн нэхъыщхьэр щыIащ Тырныауз и Георгиевскэ члисэм. Апхуэдэу абы щыIущIащ щоджэнхэмрэ екIуэлIапIэм кIуэхэмрэ. Пастыр нэхъыщхьэм и гъусащ Налшык члисэ округым и екIуэлIапIэхэм я благочиннэ щоджэн нэхъыжь Бобылев Валентин.