2018 гъэм накъыгъэм и 1-м Черкесск и Никольскэ члисэ зэхуэхьэсам екIуалIэхэр Псыхуабэ и щIыналъэ лъапIэхэм щыIащ. ФIэщхъуныгъэ зиIэхэм я гъусащ Никольскэ члисэ зэхуэхьэсам и клирик щоджэн Гурин Александр. ЩIыналъэ лъапIэм Тхьэ елъэIуну кIуахэр япэу здэкIуар Псыхуабэ и Никольскэ члисэрщ. УнафэщI щоджэн нэхъыжь Тарнакин Александр хьэщIэхэм гуапэу яIущIащ икIи члисэхэм зыщрагъэплъыхьащ, щIыналъэ лъапIэм щыIэхэр ягъэхьэщIащ.
Псыхуабэ и Михайловскэ члисэ зэхуэхьэсам щIыналъэ лъапIэм къэкIуахэм члисэм и тхыдэм яхутепсэлъыхьащ благочиннэм и дэIэпыкъуэгъу Дубинский Сергий. ЩIыналъэ лъапIэм щыIэхэр кIуащ къалэм и Покров члисэм. Члисэм зыщригъэплъыхьащ члисэм и щоджэн Калинин Евгений. ФIэщхъуныгъэ зиIэхэм щоджэнхэм я кхъащхьэм тхьэлъэIу щрагъэкIуэкIащ, члисэм и Iэгъуэблагъэм щыIэм. ИужькIэ Черкесск къикIа хьэщIэхэр къалэ-зыгъэпсэхупIэм и кафедральнэ члисэ зэхуэхьэсам яунэтIащ. Спасскэ члисэ зэхуэхьэсам, Четверодневный Лазар, Тхьэнапищым, Тхьэм и Анэм и Смоленскэ члисэм зыщаплъыхьащ Ставрополь Духовнэ семинариер къэзыухахэм. ЗыплъыхьакIуэр гъэщIэгъуэн хъуащ. Псори арэзыуэ зэбгырыкIыжащ. ФIэщхъуныгъэ зиIэ куэд япэу щыIащ Псыхуабэ и лъапIэныгъэхэм.