2018 гъэм мэлыжьыхьым и 22-м, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Налшык къалэм щихъ пэлъытэ Магдалинэ Марие и цIэр зезыхьэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ Къэбэрдей-Балъкъэрым и къалащхьэм и екIуэлIапIэхэм Налшык члисэ округым и екIуэлIапIэхэм я благочиннэ щоджэн нэхъыжь Бобылев Валентин я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий.
ХъыбарыфIхэр зэрыт тхылъ лъапIэм итхэм къеджа нэужь, архиепископ Феофилакт фIэщхъуныгъэ зиIэхэм узэщIыныгъэкIэ захуигъэзащ. Литургие нэужьым архиепископ Феофилакт зэгъусэ тхьэлъэIур иригъэкIуэкIащ икIи щихъ Магдалинэ Марие и щIыхьыр иIэтащ.
Щоджэн нэхъыщхьэм Патриаршествэр зэрызэфIагъэувэжрэ илъэси 100 зэрырикъумкIэ ехъуэхъуащ Свято-Троицкэ Серафимовскэ цIыхубз къулъшырыфым и игумение Антониерэ (Бобылевэ) тхылъ тедзапIэм и унафэщI Котляров Викторрэ. Пастыр нэхъыщхьэр ехъуэхъуащ члисэ зэхуэхьэсам екIуалIэхэм икIи дэтхэнэми удз гъэгъахэр тыгъэ хуищIащ. А махуэ дыдэм архиепископ Феофилакт члисэ зэхуэхьэсам умэхъын щIыным и щэхухэр щригъэкIуэкIащ.