2018 гъэм мэлыжьыхьым и 21-м Краснодар къалэм щекIуэкIащ Кубань къэзакъыдзэм и тхыдэ къудамэхэм я парад, ирагъэкIа лъэпкъхэр я щIыналъэм къэгъэIэпхъуэжыным теухуа унафэр къызэращтэрэ илъэс 27-рэ щрикъум ирихьэлIэу. Псыхуабэ, Черкесск щIыналъэхэм я архиепископ Феофилакт и арэзыныгъэкIэ зэхыхьэм хэтащ епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан.
Хабзэ зэрыхъуауэ, члисэ зэхуэхьэсам Екатериноградсрэ Кубанскрэ я митрополит Исидор тхьэмахуэ тхьэлъэIу иригъэкIуэкIащ. Къэзакъхэм, кадетхэм, къэзакъ классхэм я еджакIуэхэм я колоннэхэр Театр утым нэс кIуащ, парадыр махуэкум щрагъэжьам. ЩIыхь къэрэгъулым и гупым кубан къэзакъхэм я дамыгъэхэмрэ ныпымрэ щIыхьащ. Парадым хэтхэм фIэхъус ирихащ Кубаным и губернатор Кондратьев Вениаминрэ Кубан къэзакъыдзэм и атаман Долудэ Николайрэ. Парадым къэзакъ мини 6-рэ къэзакъ классхэм я еджакIуэ, кадет, Кубаным и къэзакъ щIалэгъуалэм я зэгухьэныгъэ мини 4-рэ хэтащ. Кубаным и ут нэхъыщхьэм щекIуэкI парадым еплъыну къызэхуэсащ къалэм щыпсэу, абы и хьэщIэ цIыху минипщIхэр.