2018 гъэм мэлыжьыхьым и 12-13- хэм Кисловодск къалэм и Чристэн Свято- Никольскэ классическэ гимназием щекIуэкIащ «Новые педагогические технологии на уроках Основ православной культуры» щIэныгъэ-методикэ щIыналъэ зэхуаку семинарыр.
Семинарым хэтащ Урыс Чристэн Члисэм дин щIэныгъэмрэ катехизацэмкIэ и Синод къудамэм и щIэныгъэ-методикэ кабинетым и IэщIагъэлI нэхъыщхьэ, философие щIэныгъэхэм я кандидат Шестаковэ Светланэ. Семинарым хэтащ Кисловодскрэ Ставрополрэ я егъэджакIуэхэр.
ТхьэлъэIу литургие нэужьым, Чристэн гимназием и еджакIуэхэмрэ зэхуэсым хэтхэмрэ Тхьэ щелъэIуам, хьэщIэхэр ирагъэблэгъащ «Святые новомученики и подвижники благочестия Кавказской земли» дерс зэIухам. Семинарым хыхьэу абы хэтхэр щыIащ Литературэ къеджэныгъэхэмкIэ 3-4 классхэм хэтхэм я деж щекIуэкIа дерс зэIухахэм. ЕгъэджакIуэхэр яфIэгъэщIэгъуэну еплъащ гимназием и гъэсэнхэм утыку кърахьа «Лира поэта А.С. Пушкина под чудесным покровом святителя Филарета (Дроздова)» литературэ-макъамэ композицэм. Семинарым и япэ Iыхьэр щиухым, Шестаковэ Светланэ егъэджакIуэхэм яхутепсэлъыхьащ курыт еджапIэхэм Чристэн щэнхабзэм и лъабжьэмрэ къызэрыгуэкI дуней тетыкIэмрэ зэрыщрагъэджым хэлъ щхьэхуэныгъэхэм. Зэхуэсым и етIуанэ Iыхьэр къыщызэIуихым, гимназием и унафэщI щоджэн
нэхъыжь Знаменский Иоанн къызэхуэсахэм ялъигъэIэсащ Псыхуабэ, Черкесск щIыналъэхэм я архиепископ Феофилакт къыбгъэдэкI хъуэхъур. Абы къызэхуэсахэр доклад иригъэдэIуащ, конференцэм и темэр къахузэIуихыу.
Семинарыр и кIэм щынэблагъэм, Санкт-Петербург академием социально- педагогикэ егъэджэныгъэмкIэ и кафедрэм и профессор, Санкт-Петербург Чристэн Духовнэ Академием и егъэджакIуэ, философие щIэныгъэхэм я доктор монахиня Александрэ (Захарченкэ) егъэджэныгъэ мастерской щригъэкIуэкIащ. ЕгъэджакIуэхэр жыджэру хэтащ мастер-классым, монахиня Александрэ къызэригъэпэщам. Къэхутэныгъэ лэжьыгъэр щIэщыгъуэ ящыхъуащ. Мэлыжьыхьым и 13-м, зэхуэсым и етIуанэ махуэм Шестаковэ Светланэ гимназием и егъэджакIуэхэм папщIэ иригъэкIуэкIащ «Реализация квалификационных требований к профессиональной деятельности педагога в
контексте православной педагогики» зэIущIэр. Зэхыхьэ нэужьым дэтхэнэ егъэджакIуэми упщIэхэмкIэ зыхуигъэзащ Светланэ.