Псыхуабэ къуажэм и школ №14-м и къэзакъ классым и гъэсэнхэр Железноводск къалэм щыIащ. ЯпэщIыкIэ еджакIуэхэр Покров члисэм щыIащ, абы и тхыдэмрэ лъапIэныгъэхэмрэ зыхагъэгъуэзащ. ИужькIэ ахэр кIуащ къалэм и лъахэхутэ музейм. Сабийхэм Железноводск къалэр къызэрыунэхуам и тхыдэ гъэщIэгъуэным хагъэгъуэзащ. НыбжьыщIэхэм яхутепсэлъыхьащ щIыналъэм и щIыуэпсымрэ псэущхьэхэмрэ я дахагъэм. Псом хуэмыдэу нэхъ гъэщIэгъуэн ящыхъуащ къэзакъхэм я тхыдэм и залыр, пасэрей хьэпшыпхэр, члисэ тхылъхэр, Тэрч къэзакъхэм я щэнхабзэмрэ хабзэмрэ я гъэтIылъыгъэхэр щахъумэр. ЗыплъыхьакIуэхэм я пашэр сабийхэм яхутепсэлъыхьащ 1941 гъэм Хэку зауэшзхуэм къэзакъхэм щызэрахьа лIыхъужьыгъэм. НыбжьыщIэхэр къыщыкIуэжым ялъэгъуахэм тепсэлъыхьыжащ. Абы теухуа сочиненэ еджакIуэхэм ятхыжынущ.