Быйыл март айны 27-де Ставрополь кърал педагогика институтну Ессентюк шахарда филиалында ,православ китабны кюнюн белгилеуню тамалында, Ессентюк шахарда Пантелеймон клисаны тамадасы иерей Журавлев Михаилни студентле лбла тюбешиую болуб етдю. Студентле бу байрам къайдан чыкъгъанындан, биринчи орус басмачы диакон Федоров Иванны эмда аны кърал бла Клисагъа салгъан къыйындан хапарлы болдула. Хапар айтыу бла бла бирге презентация да эте эдиле. Православ динчи, адамны джашаууна тюбсюз тенгизча басма дин сез къаллай магъана бергенинден хапар айтды.
Новоблагодарный элде 5-чи номерли орта школу бла Покров клисаны христиан дин школуну сохталарына православ китабны Кюнюне джоралаб сау курс окъудула. Сабийле клисаны тамадасы протоирей Углов Сергийни эмда школ устазланы хапарына бек эс белюб тынгыладыла. Курсну ахырында сабийле джангы алгъан билимлерини юсюнден оюмларын да бир-бирине айтдыла.
Православ китабны Кюнюне аталгъан юч тюбешиу Къарачай-Черкесияны Кавказский поселогунда да болуб етдюле. Христиан дин школда ачыкъ дерс, поселок школну 4-5 классларыны сохталарына класс сагъат, район китабхананаы фондларындан кермючде сабийле Георгий клисаны тамадасы иерей Малютин Геннадий эмда христиан дин школну устазлары бла тюбешдиле. Абадан къауум , православ китаб бла бу тюбешиу мийик дараджада етер ючюн не кючлерин салыб джарашдыргъан эдиле.
Пятигорск шахарда Никольский клисаны христиан дин школу бла 3-чю номерли орта школну устазлары дерс бардырдыла, ол дерсде сохтала бурун заманда къаллай китабла болгъанындан, биринчи къол джазма бла басма китабладан хапарлы болдула. Сабийле кеслери къаз тюкден этилген къаламны ишлерге кюрешиб, православ китабны Кюнюне аталгъан викторинаны сорууларына джуабланы аны бла джазыб да кердюле. Клисаны тамадасы протоирей Тарнакин Александрдан сабийле Инджилден да хапарлы болдула.
Православ китабны Кюнюне аталгъан тюбешиуню Зеленчюк стансени 2-чи номерли орта школунда, район сабий китабхананы къуллукъчусу Дубинина Наталья бла Петропавлов клисаны динчиси иерей Гурин Алексий эмда орус тил бла литературадан устаз Игнатова Раиса бардырдыла. Сохталагъа Эресейде китаб басманы тарихинден эмда бусагъатда православ литератураны юсюнден хапарлагъан презентацияны да кергюздюле.