Быйыл май айны 22-де Къарачай-Черкесияда Сторожевой стансе къуралгъанлы 160 джыл толады. Ол къуанчха хазырланык мероприятияланы юсюнден стансени депутатлары кезюулю джыйылыулары селешген эдиле,ары стансени администрациясыны башчысы Чотчаланы Солтан да къошулгъан эди. Дпутатла дагъыда бу кенгешге къошулургъа Никольский клисаны тамадасы протоирей Кравченко Андрей бла стансе къазакъ джамагъатны атаманы Пустовой Иванны эмда Сторожевой стансечилени да чакъыргъан эдиле. Депутатла тегерекни тазаларгъа джамагъат джыйылгъан джерлени айбат этерге деген оноуну да этдиле. Байрам кюн Никольский клисада дин къуллукъ бошалгъандан сора уллу концерт программа бла кез ачхан мероприятияла болуб етерикдиле. Юбилейли джыл стансени администрациясы бу станседен чыкъгъан белгили
адамланы чакъырыб ала бла тюбешиуле бардырыргъа умут этеди. Ол къуанч кюнледе кеб сабийли юйдегилени эмда Сторожевой станседе къарт адамланы да сансыз этиб къоярыкъ тюлдюле. Быйыл май айда тууарыкъ сабийлеге да сыйлы саугъала берликдиле.