Кисловодск и Крестовоздвиженскэ члисэм узэщIыныгъэ зэхыхьэхэр щрагъэкIуэкIащ, чристэн тхылъым и махуэм теухуауэ. Чристэн сабий гъэсапIэ Тхьэм и Анэм и «Скоропослушница» тхьэнапэм и цIэр зезыхьэм щекIуэкIащ «Очень любят праздник книжки и девчонки, и мальчишки» зэхыхьэр. Сабийхэр усэ къеджащ, «Ее величеству Книге» уэрэдыр жаIащ. Зэхыхьэр щиухым члисэм и унафэщI щоджэн нэхъыжь Лиманов Гермоген сабийхэм яхутепсэлъыхьащ тхылъ укъеджэным и мыхьэнэм икIи Тхьэм и псалъэм къыхуриджащ. УнафэщIым гъэ къэс сабийхэм зэпсэлъэныгъэхэр ядрегъэкIуэкI сабий Библиер джыным теухуауэ. Сабийхэр мультфильмхэм йоплъ урыс цIыхубэ таурыхъхэр я лъабжьэу.
Сабий гъэсапIэм и гупхэм ящыщ зым къыщызэрагъэпэщащ чристэн тхылъым теухуа гъэлъэгъуэныгъэ, зи школ кIуэгъуэ мыхъуахэм яхуэгъэзауэ. Члисэ библиотекэм чристэн литературэм и «Сердце полезное чтение» выставкэ къыщызэрагъэпэщащ. Абы кIуащ гупыж зыщIа псори. Тхьэмахуэ школым и егъэджакIуэхэм еджакIуэхэм папщIэ къызэрагъэпэщащ тхылъ уеджэным, хъыбарыфIхэр зэрыт тхылъ лъапIэм, Урысейм тхылъ къыщыдагъэкIыу зэрырагъэжьам теухуа дерс. ЕджакIуэхэм гъэщIэгъуэн
ящыхъуащ Тхьэм и законыр езыгъэдж щоджэн Воробьев Андрей тхыбзэмрэ тхылъымрэ къызэрыунэхуам, Урысейм псэкупсэ тхылъхэм щаIэ мыхьэнэм, къардэн Фёдоров Иван и гъащIэмрэ и гуащIэмрэ теухуауэ зытепсэлъыхьахэр. ЕджакIуэхэм япэу чристэн тхылъхэр ялъэгъуащ. Махуэшхуэр и кIэм щынэблагъэм Воробьев Андрей и гъэсакIуэхэм тыгъэ яхуищIащ Инджыл ЛъапIэр.