Быйыл март айны 18-де Нарсана шахарда Пантелеймон клисани христиан дин школунда , устазла Н.Алешина бла Н. Савицкая хазырлагъан «За семью печатями» деген ат бла оюн болуб етдю. Оюнну кезюуюнде соруулагъа джуабла бере сыйлы джазмаланы авторларын ачыкъларгъа керек эдиле. Хар бир тюз джуабха символ халда мухур бере эдиле. Къыйынлашхан заманларында къараучула болушлукъ эте эдиле. Десни хорлагъанланы саугъалау эмда чай ичиу бла тамамладыла.
Пантелеймон клисаны динчилери шахарны школларында ачыкъ дерсле да болдула. Протоирей Лагутин Андрей 1-чи номерли орта школну 7 классны ачыкъ дерсинде болду, анда ол сохтала бла сыйлы джазмаланы окъургъа кереклисини юсюнден ушакъ этди. Ол дагъыда сабийлеге биринчи басмасчы Федоров Иванны юсюнден хапар айтыб «Апостол» деген бириенчи басма китабдан суратларын кергюздю. Диакон Тригуб Михаил да 21-чи номерли школда православ литератураны иги окъугъанланы саугъалаугъа къошулгъан эди. Ол конкурс ал кюнде баргъан эди. Анда хорлагъанла келген къонакъланы кеслерини усталыкълары бла къуандыргъан эдиле. Клисадан
школгъа Сыйлы Китабны комплектлерин саугъа да этдиле.
Ессентюк станседе Успен клисаны христиан дин школунда православ китабны Кюнюне аталгъан экинчи кере дерс болуб етдю. Христиан дин школну устазы Воронина Галина христинлыны джашауунда православ китабны магъанасындан эмда Ресейде китабны чыкъгъанындан хапр айтды. Сабийлеге дин къуллукъда окъулгъан 1916-чы басмаланнган Инджил бла Библия китабланы, сабий литератураны кергюздюле. Артыкъ да бек дерсде клиса-славян тилге уллу эс бурдула. Дерсни киногъа къарау бла тамамладыла.