2018 гъэм гъатхэпэм и 13-м, Чристэн тхылъым и махуэм и пэ къихуэу, Урысейм гъатхэпэм и 14-м щагъэлъапIэм, Псыхуабэ, Черкесск щIыналъэхэм я щихънагъ Феофилакт хабзэ зэрыхъуауэ яIущIащ Кавказым и Минводы и къалэхэм я библиотекэхэм я лэжьакIуэхэм. ЗэIущIэр щекIуэкIащ Псыхуабэ Горькэм и цIэр зезыхьэ и библиотекэ нэхъыщхьэм. Псыхуабэ, Черкесск епархием я лъэныкъуэхэм пастыр нэхъыщхьэм щIыгъуу хэтащ Псыхуабэ члисэ округым и благочиннэ щоджэн нэхъыжь Дубинский Борисрэ щоджэн нэхъыжь Симанович Олегрэ, епархием и богословско-катехизатор курсхэм я унафэщIыр.
Ахэр чристэн тхылъым, щIэблэм я псэкупсэ гъэсэныгъэм тепсэлъыхьащ. Щоджэнхэмрэ щэнхабзэм и лэжьакIуэхэмрэ зэгурыIуащ. Библиотекэм и лэжьакIуэхэм Пастыр нэхъыщхьэм упщIэ куэд иратащ. Нэхъыщхьэхэр теухуауэ щытащ библиотекэм и фондым хэгъэхъуэным. Абы хыхьэу щихънагъ нэхъыщхьэ Феофилакт къыхилъхьащ «Благословеный Кавказ» зи чэзу гъэлъэгъуэныгъэм ирихьэлIэу, фокIадэм траухуам, библиотекэм и лэжьакIуэхэр зыхэтыну конференцэ е зэIущIэ къызэрагъэпэщыну, чристэн литературэ къыдэкIыгъуэхэм, сабийхэм яхуэгъэзахэри хыхьэу зыхагъэгъуэзэну, библиотекэхэр зыхущыщIэхэр ящIэн папщIэ икIи ахэр къигъэгугъащ библиотекэхэм я къудамэхэм я фондыр зэригъэбеину щIыкIэм егупсысыну.
IэщIагъэлIхэр къытеувыIащ чристэн щэнхабзэм и лъабжьэм теухуа тхылъхэр къазэремэщIэкIым, чристэн сабий гъэсапIэхэр литературэхэм зэрыщыщIэм. «Благословенный Кавказ» сайтым библиотекэм и лэжьакIуэхэр зыхуеину тхылъхэм я списокыр къыхуралъхьэну жэрдэм ящIащ, библиотекэм и фондым хамыгъэхьэну тхылъхэр зыхуэдэр ящIэн щхьэкIэ. Щихънагъ Феофилакт апхуэдэ лэжьыгъэр къазэрехъулIэнум егупсысыну къигъэгугъащ зэхуэсахэр. Абы IэщIагъэлIхэм гу лъаригъэтащ литературэ нэсым тхылъ тедзапIэр зыхуэдэр Iэмал имыIэу къыщыгъэлъэгъуауэ зэрыщытыпхъэр.
ЗэIущIэр и кIэм щынэблагъэм библиотекэм и къудамэхэм тыгъэ хуащIащ духовнэ тхылъ 250-рэ, Псыхуабэ епархием и «Благословенный Кавказ» журналым, «Лик Кавказа» газетым я илъэс къыдэкIыгъуэхэм я IэщIэдзхэр.
Щихънагъ нэхъыщхьэмрэ библиотекэхэм я лэжьакIуэхэмрэ я зэIущIэ, лекцэ, дерс 116 Чристэн тхылъым и махуэм ирихьэлIэу ирагъэкIуэкIыну яубзыхуам я зи чэзу хъуащ зэхыхьэр. Абыхэм ящыщ куэд мы махуэхэм Псыхуабэ, Черкесск епархием и Iэгъуэблагъуэм хыхьэ къалэхэмрэ къуажэхэмрэ щокIуэкI.