2018 гъэм мазаем и 19-м, НэщI Иным и япэ тхьэмахуэм и блыщхьэм, Успенскэ Второафонскэ Бештаурскэ цIыхухъу къулъшырыфым и Георгиевскэ члисэм тхьэлъэIу щрагъэкIуэкIащ. Абы Тхьэ щелъэIуащ къулъшырыфым и щоджэнархимандрит, Псыхуабэ, Черкесск щIыналъэхэм я щихънагъ Феофилакт. Пщыхьэщхьэ тхьэлъэIу нэужьым тхьэлъэIур ирагъэкIуэкIащ Чызлар члисэм къыщытеуам хэкIуэдахэм папщIэ. Апхуэдэ тхьэлъэIу къулъшырыфми щрагъэкIуэкIащ 2018 гъэм мазаем и 20-м.
2018 гъэм мазаем и 21-м, НэщI Иным и япэ тхьэмахуэм и бэрэжьейм, къулъшырыфым и Георгиевскэ члисэм Псыхуабэ, Черкесск щIыналъэхэм я щихънагъ нэхъыщхьэ Феофилакт литургие щригъэкIуэкIащ. Щоджэн нэхъыщхьэм къулыкъур драгъэкIуэкIащ: иеромонах Михаил (Гичко); игумен Мелетий (Мягких); иеромонах Вениамин (Клименко); щоджэн Кокарев Сергий, къардэн нэхъыжьхэу Афанасийрэ (Сапрыкин) Самуилрэ (Галуаев). Иеромонах Елевферий (Казаков) и унафэм щIэт хорым литургие уэрэдхэр жиIащ. ТхьэлъэIум Тхьэ щелъэIуащ икIи Христос и щэхухэм зыщыхагъэгъуэзащ къулъшырыфым и щоджэнхэм, Псыхуабэ Кисловодскрэ къикIыу щIыналъэ лъапIэм Тхьэ елъэIуну къэкIуахэм. Лиутргие нэужьым щихънагъ нэхъыщхьэ Феофилакт щIыналъэ лъапIэм Тхьэ елъэIуну къэкIуахэмрэ щоджэнхэмрэ узэщIыныгъэкIэ захуигъэзащ.