Быйыл январь айны 18-де Пятигорске бла Черкесскени архиепископу Феофилакт, Крещен Сочелникге Пятигорскени Спасс клисасында Дин къуллукъ бардырды. Архиерейге дин къуллукъ болушлукъну клисаны клириклери этдиле. Архипастырь бла бирге табын этерге Пятигорскени талай джамагъаты бла курорт шахарны къонакълары да келген эдиле. Дин къуллукъдан сора Владыка джыйылгъанлагъа ауаз бериб, суугъа нюр салгъан адетни да этди. Ол кюн огъунакъ архиепископ Феофилакт адетдеча , Къарачай-Черкесияда «Джашил Айрымкан» паркда Къобан суугъа православ адетдеча уллу нюр салгъан адетни этди. Черкесскени талай православ джамагъаты бла къонакълары табын этерге джыйылгъан эди.Архипастырь суугъа нюр салгъан адетни этгенден сора крещен суугъа кемюлюб чыкъдыла.
«Биз бюгюн, миллетлигибиз да адетлерибиз башха миллетле барыбыз да бир джагъада сирелебиз! Ол бирлик, каувказ адетни кючюдю! Мен ышанама, бу бирикмекликни керюб Аллах бизни бу дунияда сакъларыгъына!»- деб айтды джыйылгъанланъа Архиерей. Владыка дагъады республиканы Башчысы Темркезланы Рашидге, Халкъ Джыйылыуну Председатели Иванов Александргъа, Черкесск шахарны башчысы Тамбиев Русланнга, республиканы халкъларыны адетлерин сакъларгъа болушлукъ этгенлери ючюн разылыгъын билдирди.