Святка кюнледе Православ Свято-Никольский гимназияны ата-ана активи , Рождество байрамда «Знамение» деген культура-джарыкълыкъ аралыкъда джыйылдыла. Тюбешиуню аллында гимназияны директору протоирей Знаменский Иоанн къысха православ разылыкъ дуа окъуду. Ол джыйылгъанланы Святкала бла эмда келген Джангы джыл бла алгъышлады. Аны тышында да ол ата-аналагъа гимназияны къауум джарыкъ кезюулеринден да хапар айтды. Байрамны андан арысында олтуруб чай ичдиле. Ата-анала бла устазла бир бирлери бла джылы халда ушакъ этиб, колядкаланы да джырлаб назмула да окъудула. Рождество Христова байрамны къауум сейир тарихли затларындан гимназияны динчиси протоирей Чеканов Димитрий хапар айтды. Бу къуанчха келгенлени кесини ариу ауазы бла гимназияны выпускниги бусагъатда Санкт-
Петербургда Дин Академияды регент белюмюню 1-чи курсуну студенти Лобозев Даниил къуандырды. Ол къауум рождество джырланы джырлады. Иоанн бабас барына Рождество Христова иконачыкъланы берди, ата-анала да бирге джыйылыб Раббийни сыйларгъа мадар бергени ючюн гимназияны директоруна джюрек разылыкъларын билдирдиле.