2018 гъэм щIышылэм и 8-м щихъ, Константиновскэ станицэм Москва и патриарх Тихон и цIэр зезыхьэ и члисэм и тхьэмахуэ школым и гъэсэнхэр Бештаурскэ къулъшырыфым щыIэхэм ехъуэхъуащ Христос и хъуромэмрэ ИлъэсыщIэмкIэ. Иужьрей илъэсхэм ар хабзэ дахэ хъуащ. НыбжьыщIэхэм IэфIыкIэхэр иратащ, къулъшырыфым и щоджэнархимандрит, Псыхуабэ, Черкесск щIыналъэхэм я щихънагъ Феофилакт къыбгъэдэкIыу тыгъэ хуащIащ Тхьэм и Анэм и тхьэнапэр, мыгъэрей махуэгъэпс. НыбжьыщIэхэм ехъуэхъуащ икIи къазэрыхуеблэгъам папщIэ фIыщIэ яхуищIащ иеромонах Михаил (Гичко). Мы гъэм тхьэмахуэ школым и гъэсэнхэм ягъэлъэгъуащ Диккенс Чарлз и тхыгъэхэм къытращIыкIа «Хъуромэ повестхэр» таурыхъыр. 2018 гъэм щIышылэм и 12-м Бештаурскэ къулъшырыфым щыIэхэм, абы и лэжьакIуэхэм ехъуэхъуащ Кисловодск и Свято-Никольскэ классикэ чристэн гимназием и гъэсэнхэр. НыбжьыщIэхэм колядкэхэр ягъэзэщIащ, Несветовэ Ю. и «Кукла рождественской девочки» рассказым къытращIыкIа театр теплъэгъуэр ягъэхьэзыращ. Абыхэм иратащ IэфIыкIэхэр, Тхьэм и Анэм и теплъэр щихънагъ Феофилакт къыбгъэдэкIыу. НыбжьыщIэхэм къулъшырыфым и тхыдэм зыхагъэгъуэзащ, члисэ-тхыдэ музеймрэ Георгиевскэ члисэмрэ щыIащ. Махуэр къулъшырыфым и шхапIэм шей щефэу зэхуащIыжащ.