2018 гъэм щIышылэм и 11-м, Вифлеем сабий мин 14-м я фэеплъ махуэм, Ирод и зэранкIэ Христос папщIэ бэлыхь зрагъэшэчахэм, Псыхуабэ, Черкесск щIыналъэхэм я щихънагъ Феофилакт тхьэлъэIу литургие щригъэкIуэкIащ ЕссэнтIыгу станицэм и Успенскэ члисэм. Щоджэным къулыкъур драгъэкIуэкIащ: епархием и Административнэ секретариатым и унафэщI щоджэн Яковенкэ Илия, ЕссэнтIыгу члисэ округым и екIуэлIапIэхэм я щоджэнхэм благочиннэ щоджэн нэхъыжь Еланцев Сергий ящIыгъуу. Къардэн къулыкъур иригъэкIуэкIащ щоджэн нэхъыжь Кубэ Димитрий. Пастыр нэхъыщхьэм щIыгъуу Тхьэ елъэIуну къызэхуэсащ ЕссэнтIыгу икIыу щIыналъэ лъапIэм Тхьэ елъэIуну кIуахэр, Кавказым и Минводы щыIэ алыдж зэгухьэныгъэм и лыкIуэхэр.
Литургие нэужьым щихънагъым Христос и хъуромэм папщIэ тхьэлъэIу иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ. А махуэм щихънагъ Феофилакт IущIащ «Анэхэм папщIэ унэ» кризис центрым и нэIэм щIэтхэм. Щихънагъыр бзылъхугъэхэм яхутепсэлъыхьащ, блэкIа къэхъугъэм иджыри къыздэсым мыхьэнэ зэриIэм, дунейм къытемыхьа сабийхэр зэрагъэкIуэдыжыр.
«Сабий мин 14 яукIащ! Ар пащтыхь Ирод щытепща лъэхъэнэрщ. И къулыкъум трагъэкIынкIэ зэрышынам къыхэкIыу а щIэпхъэджагъэр яригъэлэжьащ».
ЗэIущIэм хэтхэр шей зэдефащ икIи я Iуэху бъэдыхьэкIэхэмкIэ зэдэгуэшащ, зым адрейм фIыщIэ хуащIащ.
Центрым и унафэщI Рубец Ларисэ къапэщылъхэм къытеувыIащ, IуэхущIапIэм и лэжьакIуэхэм хуэныкъуэхэм чэнджэщхэр иратащ. Зэхыхьэм хэтащ ЕссэнтIыгу, Кисловодск, Псыхуабэ я роддомхэм щыщхэр, Предгорнэ районым и медицинэ, социальнэ къулыкъущIапIэхэм я лIыкIуэхэр.