Псыхуабэ епархием и къалэн нэхъыщхьэу къонэж социальнэ къулыкъу щIэныр

27.12.2017
Просмотры: 2940

2017 гъэм дыгъэгъазэм и 26-м Псыхуабэ епархием и клирикхэмрэ мамыр цIыхухэмрэ зэхуэсащ Епархием и советымрэ и къудамэхэмрэ я лэжьыгъэм кърикIуахэр советым и секретарь щоджэн нэхъыжь Знаменский Иоанн щызэхилъхьэжым. Ар зыубгъуауэ тепсэлъыхьащ Псыхуабэ, Черкесск епархием и къудамэ 14-м Епархие советымрэ я лэжьыгъэр зыхуэдам.

Псыхуабэ, Черкесск епархием и екIуэлIапIэхэм я лэжьыгъэм и гугъу щищIым, къыхигъэщащ социальнэ, щIалэгъуалэ, егъэджэныгъэ, псапэ унэтIыныгъэхэр япэ зэрырагъэщыр. Епархием и «Анэхэм папщIэ унэ», «ДыгъафIэ къалэ», «Целебный Ессентуки» проектхэм зэрызаужьыр жиIащ. «Зелёный Афон», «Маруха» щIалэгъуалэ зэхуэсхэм я щIэупщIэм зэрыхэхъуэми къытеувыIащ. ОПК, ОРКСЭ курсхэр куэдым къыхах. Чристэн гимназиеу тIу, зы сабий гъэсапIэ мэлажьэ. Епархием и тхьэмахуэ школитIым щыхэплъащ къэзакъхэм чристэн щэнхабзэмкIэ я курсым. Кавказым и Минводы щолажьэ «Вера» радиор. Езым я радиостудие къызэрагъэпэщащ, чристэн гъэлъэгъуэныгъэ, члисэпсо махуэгъэпсым хыхьэу.
Клирикхэмрэ мамыр цIыхухэмрэ, гуапагъэ зыщIэ шыпхъухэмрэ волонтёрхэмрэ я лэжьыгъэм и фIыгъэщ социальнэ проектхэр 2017 гъэм куэду щIахуэгъэзэщIар. Социальнэ къулыкъу щIэныр епархием и екIуэлIапIэхэм я къалэным хыхьэу къонэж.
Епархием и советым и секретарым и доклад нэужьым зэхуэсым къыхыхьащ языныкъуэ епархиехэм я унафэщIхэр.

2940
Фотогалерея