Быйыл декабрь айны 19-да Къабарты-Малкъарны Пролетар элинде Раббийни Анасыны Къазан иконасыны сыйына аталгъан клисаны тамадасы иерей Маршалкин Андрей ишлене тургъан клисаны къонгурау юйюню башына салынныкъ куполуна нюр салгъан адетни этди. Анга клисагъа болушханла да элчиле да джыйылдыла. Нюр салгъан адетден сора куполну къонгурау юйюню башына чончайтдыла. Ал кюнюнде огъунакъ анга шатыр ишлеген эдиле.