Новопавловск къалэм иджыблагъэ щекIуэкIащ зи цIэ ямыщIэ сэлэтым и фэеплъым и махуэм теухуа пэкIу. Къалэдэсхэр Петропавловскэ члисэм пэмыжыжьэу зэхуэсащ, зауэм хэкIуэдахэмрэ зи къалэн зыгъэзащIэу хэкIуэда хабзэхъумэ органхэм я лэжьакIуэхэмрэ хуагъэува мывэ сыным пэмыжыжьэу.
Жылагъуэ зэгухьэныгъэхэм я лIыкIуэ зэхуэсахэм, ветеранхэм, къэзакъхэм, еджакIуэхэм, къалэдэсхэм захуигъэзащ «Боевое братство» къудамэм и унафэщI Пудченко Сергей. Новопавловскэ члисэ округым и екIуэлIапIэхэм я благочиннэ щоджэн Цапко Владислав игу къигъэкIыжащ хэкIуэдахэм зэрахьа лIыгъэр икIи я фэеплъыр зыщамыгъэгъупщэну тхьэрыIуэ ящIащ. Район школхэм я еджакIуэ 65- рэ, патриот клубхэм хэтхэр юнармейцхэм яхыхьащ. ПэкIур щиухым абы хэтхэм фэеплъ сыным удз гъэгъахэр тралъхьащ.