Быйыл декабрь айны 16-да Краснодар шахарны ара концерт залында Къобан къазакъ аскерни джыйылыуу болуб етдю. Пятигорске бла Черкесскени архиепископу Феофилактны разылыгъы бла, ол джыйлыугъа Пятигорск епархияны атындан делегациягъа Къарачай-Черкесияда Шимал бла Къыбла клиса округланы приходларыны джуаблы динчилери протоирейле Субтельный Евгений бла Нартов Александр эмда Къобан къазакъ аскерни Баталпаша белюмюню къазакъларыны динчиси протоирей Соколов Геннадий киргендиле. Етюб баргъан джылда къазакъ аскерни джашауундан къазакъ генерал , атаман Эресейни Джигити Долуда Николай доклад этди.
Атаманны сезюнде эм тема хуторла бла станселеде джаш телю бла иш бардырыу болду. «Къобанда джашагъанланы тамласы болургъа керекди, таблабыз а ол джаш телюьбюздю…
Бюгнюн бизде 4000 минг къазакъ класс бла джети кадет къазакъ корпус бардыла. Ол а 85 минг джашчыкъла бла къызчыкъладыла…» Къобан къазакъланы адам чсаныны юсю бла бу тергеулени келтирди : « Быйыл 2017-чи джыл декабрны 1-не къазакъ джамагъатлада къазакъланы саны 51843 джетеди, юйдегилери бла бирге санасанг 166 минг бла 844 адам боладыла. Атаман дагъыда къазакъланы Православ Клисада джашауларындан да айтды: « Православие ол къуру дин къуллукъла , клиса байрамла этиу тюлдю, ол эм алгъа ийманды, Раббийни джорукъларын кесинги джашауунг бла келишдире джашай билиудю…» Атаманны докладыны толу тексти джыйылыуну аллы бла басмаланнган эди аны къазакъ джыйылыугъа келгенлени барына да берген эдиле. Джыйылыуну эсеби бла Къобан къазакъ атаманны эмда аны правлениясыны ишин
хайырлы кердюле.