2017 гъэм дыгъэгъазэм и 8-м, Ставропольскрэ Невинномыскрэ я митрополит Кирилл иригъэкIуэкIащ Ставрополь митрополием теологие егъэджэныгъэмкIэ и Координацэ советым и зэIущIэ.
Ставрополь богословскэ егъэджэныгъэм зегъэужьынымкIэ и зэIущIэм хэтащ Кавказ Ищхъэрэ федеральнэ университетым и ректор Ливитская Алинэ, социальнэ философиемрэ этнологиемкIэ гуманитарнэ институтым и кафедрэм и профессор Лагунов Алексей, Ставрополь духовнэ семинарием егъэджэныгъэмкIэ и проректор игумен Алексий (Смирнов), Псыхуабэ къэрал университетым и егъэджакIуэ щоджэн нэхъыжь Сахно Андрей, семинарием и егъэджэныгъэ советым и секретарь Шишкин Евгений, социальнэ философиемрэ этнологиемкIэ и кафедрэм и унафэщI Ивановэ Светланэ, КИФЩI-м и Гуманитарнэ университетым и унафэщI Ерохин Алексей, Кавказым зэныбжьэгъуныгъэмкIэ и Институтыр къызэзыгъэпэща Ледович Татьянэ, Ставрополь крайм Егъэджэныгъэмрэ щIалэгъуалэ политикэмкIэ и министерствэм егъэджэныгъэ лэжьыгъэмрэ щ9Iэныгъэ гуэдзэнымкIэ и къудамэм и унафэщI Пикаловэ Ольгэ. Иджырей зэманым «теология» къудамэм и бакалаврхэр иджыпсту Кавказ
Ищхъэрэ федеральнэ университетым, Псыхуабэ къэрал университетым, Кавказым зэныбжьэгъугъэмкIэ и Инститым щагъэхьэзыр. Ставрополь, Псыхуабэ университетхэм къыщызэIуахащ теологиемкIэ магистратурэ.
Абитуриентхэр кърашэлIэн папщIэ хъыбарегъащIэ лэжьыгъэр щIагъэхъеену къыхалъхьащ икIи еджакIуэхэм я лэжьыгъэр щIагъэхуэбжьэну къыхалъхьащ. Советым хэтхэм къыхагъэщащ къэралым, вузхэм, дин зэгухьэныгъэхэм я лэжьыгъэхэр теологием ехьэлIа я щIэныгъэм щIагъэхуэбжьэн папщIэ.