2017 гъэм дыгъэгъазэм и 7-м Ставрополь крайм и Думэм, епархием и«Нравственные ценности и будущее человечества» VII хъуромэ къеджэныгъэхэм хыхьэу, III Парламент зэIущIэхэр зэхэтащ. ЗэIущIэм хэтащ Ставропльскрэ Невинномыскрэ я митрополит Кирилл, Ставропольск и щоджэнхэр, Псыхуабэ, Георгиевскэ епархием и лIыкIуэхэр, щIыналъэм и Правительствэм хэтхэр, депутатхэр, вузхэм я ректорхэр, школхэм я унафэщIхэр, къэзакъхэм я лIыкIуэхэр.
Псыхуабэ епархием и лIыкIуэхэм, щихънагъ Феофилакт и арэзыныгъэкIэ хагъэхьащ: Административнэ секретариатым и унафэщI щоджэн Яковенкэ Илия, Епархием и Советым и секретарь щоджэн нэхъыжь Знаменский Иоанн, дин щIэныгъэмрэ катехизацэмкIэ къудамэм и унафэщI щоджэн нэхъыжь Фаустов Константин, къэзакъхэм ядэлэжьэнымкIэ къудамэм и унафэщI щоджэн нэхъыжь Фещенкэ Стефан.
ЗэIущIэр къызэIуихащ Думэм и унафэщIым и къуэдзэ Кузьмин Александр. Абы щихънагъымрэ щоджэнхэмрэ фIэхъус ярихащ. АдэкIэ къызэхуэсахэм захуигъэзащ Ставропольскрэ Невинномыскрэ я митрополит Кирилл. Абы и къэпсэлъэныгъэм къыхигъэщащ Члисэмрэ щIцыналъэм и къулыкъущIэхэмрэ 2017 гъэм зэфIагъэкIа лэжьыгъэхэр. Пастыр нэхъыщхьэм къызэхуэсахэм гу лъаригъэтащ унагъуэм и зэхущытыкIэхэм хэлъ Iуэху зэIумыбзхэм. Митрополит Кирилл и докладым гулъытэ нэхъыбэ щыхуищIащ дунейм къытемыхьа сабийхэр зэрагъэкIуэдыжым. Апхуэдэу социальнэ сайтхэм щыджэгу сабийхэм ящыщ куэдым зэрызаукIыжми къытеувыIащ. Пастыр нэхъыщхьэм къыхигъэщащ апхуэдэ шынагъуэхэм къулыкъущIэхэм гулъытэ нэхъыбэ хуащIын зэрыхуейр. Щоджэнхэр, щIыналъэм и думэм и депутатхэр Iуэху зэIумыбзхэм
тепсэлъыхьащ. Зэхыхьэ нэужьым жаIащ зэIущIэм къыщаIэта Iуэхугъуэхэм мыхьэнэ зэраIэр.