Телевизионнэ репортаж дауэ зэрыбгъэхьэзырынур? Абы сыт щIэдзапIэ хуэхъунур? Ток-шоум дауэ зэрызыхуэбгъэхьэзырынур? Абыхэми нэгъуэщI упщIэ куэдми Псыхуабэ къэрл университетым и студентхэм жэуап иритащ «Спас» телеканалым и генеральнэ унафэщI икIи продюсер, тележурналист цIэрыIуэ, телевиденэм и лэжьакIуэ, актёр Корчевников Борис.
Творческэ зэIущIэр жэпуэгъуэм и 28-м щекIуэкIащ Псыхуабэ къэрал университетым, «Тхьэм и нэфI зыщыхуа Кавказ» IV Медиафорумым хыхьэу. Ар къызэригъэпэщащ Псыхуабэ епархием УФ-м и Президентым КИФЩI-м и полномочнэ лIыкIуэу щыIэм и аппаратыр и дэIэпыкъуэгъуу.
Медиафорумыр теухуащ хъыбарегаъщIэ IуэхущIапIэхэр жылагъуэмрэ дин IуэхущIапIэхэмрэ зэрыдэлажьэм. Зэхуэсыр еплIанэу къызэзыгъэпэщхэм хъыбарегъащIэ IэнатIэхэм и лэжьакIуэ жыджэрхэр ирагъэблагъэ къэунэхуну журналистхэм я Iуэху бгъэдыхьэкIэхэмкIэ ядэгуэшэн папщIэ. Абы тепсэлъыхьащ Псыхуабэ епархием и Административнэ секретариатым и унафэщI щоджэн Яковенкэ Илия. Абы зэIущIэр иригъэкIуэкIащ, ПГУ-м конфликтологиемкIэ, жылагъуэм хуиIэ пыщIэныгъэмкIэ, журналистикэмкIэ и кафедрэм и унафэщI Румачук И. А. щIыгъуу.
Зэхыхьэм хэтащ ПГУ-м и «Открывающий мир» журналым и редактор нэхъыщхьэ Выхристюк Г. А. ПГУ-м и Медиацентрым и унафэщI, редактор нэхъыщхьэ Каначевэ Т. П., имидж, хъыбарегъащIэ политикэ, жылагъуэм яхуиIэ пыщIэныгъэмрэ къызэгъэпэщыныгъэ IуэхугъуэхэмкIэ ПГЛУ-м и Управленэм и унафэщIым и къуэдзэ Маркарян Л. Р., егъэджакIуэхэу Гикис С. Н., Парастатов С. В., «Журналистикэ», «Реклама и связи с общественностью», «Медиакоммуникации» унэтIыныгъэхэм я студентхэр.
Кочевников Борис зэIущIэм хэтхэм ядэгуэшащ IэщIагъэм и щэхухэмкIэ, и Iуэху бгъэдыхьэкIэхэм къытеувыIащ икIи журналист IэщIагъэм хуеджэхэм я упщIэ псоми жэуап иритащ: «жанрым и пащтыхь» репортажым, актёр IэщIагъэмрэ журналист лэжьыгъэмрэ зэрызэдебгъэкIуэкIынум, «Эфир занщIэр» зэребгъэкIуэкIынум, телевиденэм и лэжьакIуэм и проектыщIэхэм, иджырей телевиденэм и лъапIэныгъэм я Iуэху зэIумыбзхэм.
Зэхыхьэр щIэщыгъуэ хъуащ. Ар ирагъэкIуэкIыну зы сыхьэт яубзыхуами, сыхьэтитIкIэ екIуэкIащ. Студентхэм я упщIэхэм жэуап иратащ. КърихьэлIахэм чэнджэщ щхьэпэ куэд иратащ. Тележурналистыр репортеру НТВ телеканалым и нэтын зыбжанэм щолажьэ, СТС телеканалым зы программэ щегъэхьэзыр, «Урысей» телеканалми документальнэ проектхэм я авторщ. Корчевниковыр псынщIэу къацIыхуащ «Эфир занщIэ» нэтыныр игъэхьэзырын зэрыщIидзэу, 2013 гъэм и накъыгъэм иригъэжьам, кинофильмхэмрэ телесериалхэмрэ зэрыщыджэгуам папщIэ. Актёр, тележурналист IэщIагъэхэр зэщхьу къелъытэ Корчевниковым..Абыхэм нэгъуэщI цIыхухэм я гъащIэр зэрыщытым хуэдэу
цIыхухэм я пащхьэм ипхьэн хуейуэ къыпхуагъэув.
Тележурналистым студентхэм захуигъэзащ я Iэзагъэм махуэ къэс хагъэхъуэну, зыгуэр зэратхыным я ужь итынхэу, университетым зэрыщеджэм хуэдэу я IэщIагъэм зыхагъэгъуэзэну.
- Практикэр псоми я лъабжьэщ. Зыр зым щыдэбгъэIэпыкъум и дежщ зэфIэкI ущиIэр, - къыхигъэщащ Корчевниковым.
Лэжьэн щIэзыдзэ журналистхэм абы чэнджэщ яритащ езым я темэ къагъуэтыжыну. Корчевников Борис и IэщIагъэр къигъуэтыжащ: «Судьба человека» нэтыныр абы щегъэхьэзыр «Урысей-1» телеканалым. Абы къыдэкIуэу «Спас» чристэн жылагъуэ телеканалым и унафэщIщ.