СКФУ-ну турим факультетини студентлери, дин туризм бла паломник ишни юсю бла этилген ушакъгъа бек эс ийиб, тири къошулдула. Ол теманы быйыл октябрны 25-де университетни пятигорскеде филиалында тегерек столда сюздюле. Инновацион ишни юсю бла директорну орунбасары А.В.Санкин- бу джаны бла энчи халдан бир-
эки сез айтыб- Пятигорске бла Черкесск епархияны Паломник къуллугъхуну тамадасы Л.Г Логвиненкогъа сез берди.
Эресейде паломник этиуню таприхинден, Кавказ регионну тамашалыгъындан, Сыйлы Кавказны православ дин багъалатхан джерлеринден, паломник бла дин туризмни башхалыгъындан хапар айтхан эди Лариса Григорьевна. Анда бек эс белюб тынгылагъанлары эмда терен соруула бергенлери, джаш телюге паломник иш бек магъаналы борлгъаны ачыкъланды. Студентле, маршрутланы башхалыкъларындан, багъаладан, паломник маршуртланы джолларындан соруула бердиле. Паломник джолоучулукъла адамланы джашауларына къаллай магъана бергенлеринден, монастырлада монахча джашагъандан дегенча соруула да берилген эдиле. Тюбешиуню аягъында доклад этген бла студентле бу магъаналы сейир ушакъ этилгени бир- бирлерине разылыкъ бериб энтда быллай тюбешиуле бардырыла турурча оюм да этдиле.