2017 гъэм жэпуэгъуэм и 20-м Къэбэрдей-Балъкъэр республикэм и Май районым и Котляревскэ станицэм щекIуэкIащ «Афияныншэ гъащIэ» Iуэхур. Абы хэтащ Котляревскэ, Александровскэ станицэхэм я школхэм я егъэджакIуэхэмрэ еджакIуэхэмрэ. Апхуэдэу зэхалъхьэжащ еджакIуэхэм я зэпеуэм кърикIуахэр.
НыбжьыщIэхэм ягъэхьэзыращ видеонэтынхэр. Ахэр къэпщытакIуэхэм къапщытащ. Къызэхуэсахэм я пащхьэм къыщыпсэлъащ Котляревскэ станицэм и Покров члисэм и унафэщI щоджэн Арманов Николай. Щоджэным къыхуриджащ Тхьэм тыгъэу къарита гъащIэр яхъумэну, гуапагъэ щIэным я зэманыр трагъэкIуэдэну.