2017 гъэм жэпуэгъуэм и 19-м епархием и унэм, Псыхуабэ, Черкесск щIыналъэхэм я щихънагъ Феофилакт и унафэм щIэту екIуэкIащ Епархием и Советым и зи чэзу зэIущIэр. Псыхуабэ епархием и гъащIэм и Iуэхугъуэ нэхъыщхьэхэм хэплъахэм ящыщщ Советым хэтхэмрэ члисэ округхэм я благочиннэхэмрэ. Доклад еджэну ирагъэблэгъащ епархием и къудамэхэм я унафэщIхэр. Iуэхугъуэ нэхъыщхьэу бгъум хэплъащ.
Псыхуабэ, Черкесск щIыналъэхэм я щихънагъ Феофилакт зэIущIэм хэтхэр хигъэгъуэзащ Къэбэрдей-Балъкъэрыр Урысейм зэрыгухьэрэ илъэс 460-рэ зэрырикъум теухуа гуфIэгъуэ зэхыхьэ Москварэ Урысей псомрэ я Патриарх Кирилл зыхэтам. Абы игъэнэхуащ Москва и Новоспасскэ къулъшырыфым щыщIалъхьа адыгэхэм я фэеплъ пхъэбгъур игъэнэхуащ. ЗэIущIэм хэтащ Къэбэрдей-Балъкъэрым и властымрэ жылагъуэмрэ.
Щихънагъыр апхуэдэу тепсэлъыхьащ Къэрэшей-Шэрджэсым Кавказ Ищхъэрэм и Алан чристэн центр къызэрыщызэIуахынум. Республикэ бюджет IуэхущIапIэм къэралым, Члисэм, щIэныгъэлIхэм, жылагъуэм я зэфIэкIыр зэкъуигъэувэнущ. Жэрдэмыр фIыуэ къилъытащ Урыс Члисэм и УнафэщIым. Ар диIыгъащ УФ-м и Президентым и Полпреду КИФЩI-м щыIэ Белавенцев Олег. ЛэжьакIуэ гуп къызэрагъэпэщым епархиери ирагъэблэгъащ.
Зэхыхьэм хэтхэм епархием къыбгъэдэкIыу духовнэ школхэм щIэтIысхьахэм къытеувыIащ. Мы гъэм щIэтIысхьэну зи мурада 17-м щыщу 15-р пхыкIащ. Богословскэ щIэныгъэ епархием и клирик, мамыру псэу цIыху 68-м зыIэрагъэхьэ. Ар щыхьэт тохъуэ щIэныгъэ зрагъэгъуэтыну, ябгъэдэлъым хагъэхъуэну гупыж зэраIэм.
Советым хэтхэм лъагэу кълъытащ «Зеленый Афон», «Маруха» гъэмахуэ зэхуэсхэм хэтахэм я лэжьыгъэхэр. Абыхэм ятеухуа доклад ящIащ ЩIалэгъуалэ къудамэм и унафэщI щоджэн Яковенкэ Илия. Гъэмахуэ кIуам зэхуэсхэм сабий 440- м зыщагъэпсэхуащ. Абы щыщу 60-р Донецк, Луганск, Докучаевск къикIахэу. «Зелёный Афоныр» пхыкIащ Ставропольем и узыншагъэр щрагъэфIакIуэ и объектхэм я реестрым зэрыхэтым теухуауэ. Ар зыгъэхьэзырыныгъэ лэжьыгъэм и Iэужьт. Зэхуэсыр 20I8 гъэм къызэIуахыну я мурадщ.
ЗэIущIэм щыхэплъащ Советым и унафэ 20I7 гъэм мэкъуауэгъуэм и I0-м «Целебный Ессентуки» центр къызэIухыным теухуауэ къыхалъхьар зэрагъэзащIэм. БлэкIа мазэхэм центрыр щатхащ юстицэм и органхэм. Абы щIы Iыхьэ хухахащ. Абы пщIэншэу я узыншагъэр щрагъэфIакIуэ сабий 53-м. Iуэху зэIумыбзхэм ящыщщ щIымахуэ манеж зэрыхуэныкъуэр, я дерсхэр зэпамыгъэууэ пащэн папщIэ. Абы тепсэлъыхьащ центрым и унафэщI щоджэн Тростинский Сергий. Епархием и иппотерапием зегъэужьыным папщIэ ахъшэ зэхэдзэ къыхалъхьэну унафэ ящIащ.
VII епархие педсоветым кърикIуахэр зэхилъхьэжащ дин щIэныгъэмрэ катехизацэмкIэ къудамэм и унафэщI щоджэн нэхъыжь Фаустов Константин. Зэхуэсым утыку къыщрахьащ жылагъуэ тхылъхэм я редакцэхэр, тхьэмахуэ школхэм я лэжьыгъэм ухэзыгъэгъуазэхэр. Константин школхэм я тхылъхэр IэмалыщIэм тету къызэгъэпэщыным теухуа Iэмалхэр утыку кърихьащ. Советым и унафэм тету, къудамэм унафэщIхэм папщIэ семинар иригъэкIуэкIынущ. Епархием и бухгалтер нэхъыщхьэ Чечинэ Иринэ 2017 гъэм и бюджетыр зэрагъэзэщIэным къытеувыIащ икIи 2018 гъэм и бюджетым и проектыр къыхилъхьащ. Проектым 2017 гъэм дыгъэгъазэм и 1-м члисэ округхэм я щоджэнхэм я зэIущIэм щытепсэлъыхьынущ.
2017 гъэм Псыхуабэ и Соборнэ утыкум япэу щрагъэкIуэкIащ Лермонтовым и пшыхьхэр. Абы хэтащ цIыхуи 100. Апхуэдэу 200-м щIигъу кърихьэлIащ. Къэхъугъэм тепсэлъыхьащ епархием щэнхабзэмкIэ и къудамэм и секретарь Стацюк Михаил. А жэрдэмыр даIыгъащ Епархие Советым. Апхуэдэ пшыхьхэр Кавминводым и нэгъуэщI къалэхэм щрагъэкIуэкIыну я мурадщ. Тэрч къэзакъыдзэр илъэс 440-рэ зэрырикъур гъэлъэпIэным теухуа зэхыхьэхэм хигъэгъуэзащ зэхуэсахэр епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Зэхуэсхэм я гугъу ищIа нэужь, щоджэныр зыубгъуауэ къытеувыIащ Щоджэн нэхъыжьым и саугъэтыр къэхьынымкIэ епархием и къэзакъ спартакиадэ махуэшхуэм теухуам. Юбилей етхуанэ спартакиадэр Советым 2018 гъэм ирагъэкIуэкIыным арэзы техъуащ.