Краснодар щекIуэкIащ къэзакъ зэгухьэныгъэхэм я зэхуэсыр. Абы щызэхуэсащ дзэ атаманхэр, къэрал властым и лIыкIуэхэр, УФ-м, Белоруссием, Украинэм, Къэзахъстаным я Iэгъуэблагъэм къэзакъхэм зи нэIэ щытезыгъэт щоджэнхэр, щIэныгъэ-егъэджэныгъэ IуэхущIапIэхэм, щIалэгъуалэ къэзакъ зэгухьэныгъэхэм я лIыкIуэхэр. Псыхуабэ, Черкесск щIыналъэхэм я щихънагъ нэхъыщхьэ Феофилакт и арэзыныгъэкIэ, зэхуэсым и лэжьыгъэм хэтащ къэзакъхэм ядэлэжьэнымкIэ къудамэм и унафэщI щоджэн нэхъыжь Фещенкэ Стефан.
Зэхыхьэр жэпуэгъуэм и 5-м тхьэлъэIукIэ щрагъэжьащ Невский Александр и цIэр зезыхьэ Дзэ члисэ зэхуэхьэсам ВКО-мрэ къэзакъ щоджэнхэмрэ я дзэ щоджэнхэм я гъусэу.
Пленарнэ зэIущIэм и лэжьыгъэм хэтащ ЦФО-м и Президентым и полномочнэ лIыкIуэр, УФ-м и Президентым къэзакъхэм я IуэхухэмкIэ и Советым и унафэщI Беглов Александр, Екатериноградскрэ Кубанскрэ я митрополит Исидор, къэзакъхэм ядэлэжьэнымкIэ Синод комитетым и унафэщI митрополит Кирилл, Краснодар крайм и губернатор Кондратьев В.И., Краснодар крайм и губернаторым и къуэдзэ, «Кубань къэзакъыдзэ» ВКО-м и атаман Долудэ Н. А. ЗэIущIэр иригъэкIуэкIащ лъэпкъ IуэхухэмкIэ федеральнэ агенствэм и унафэщI Баринов И. В.
Зэхуэсым хэтхэм фIэхъус щарихым, Баринов Игорь къыхигъэщащ Кубаным тхыдэм къыхэнэну Iуэхугъуэ зэрыщрагъэжьар. Зэхуэсым япэу дзэ къэзакъ зэгухьэныгъэ 11, дзэ къэзакъ зэгухьэныгъэхэр, Президентым и администрацэмрэ Правительствэм и аппаратымрэ я лIыкIуэхэр, Урысей къэзакъхэм къэрал политикэм зегъэужьынымкIэ я Стратегиер гъэзэщIэнымкIэ властым и федеральнэ, щIыналъэ органхэр хэтынущ. Пленарнэ зэIущIэ нэужьым «Регалии и реликвии Кубанского казачьего войска» гъэлъэгъуэныгъэм зыщаплъыхьащ. ИужькIэ зэхуэсым и зэIущIэхэр къызэрагъэпэщащ. Япэ махуэр зэхуащIыжащ «Час славы Кубани» зэхыхьэр зэрекIуэкIам еплъыжри. Кубань къэзакъ хорым концерт итащ. Жэпуэгъуэм и 6-м УФ-м и Президентым къэзакъхэм я IуэхухэмкIэ и Советым и зэIущIэ зэхэтащ. Зэхуэсым хэтхэр щыIащ Новороссийск къэзакъ кадет корпус
Къэрал бюджет IуэхущIапIэм. Новороссийскэ къалэм а егъэджэныгъэ IуэхущIапIэр 2009 гъэм Краснодар край администрацэмрэ Кубань къэзакъыдзэм и атаман Долудэ Н. А. я жэрдэмкIэ къызэрагъэпэщащ. 2014-2015 гъэ еджэгъуэм корпусым жэщ-махуэ ямыIэу щопсэу икIи щоджэ кадет 220рэ 7-11 классхэм. Ахэр УФ-м и Краснодар крайм и районхэмрэ къалэхэмрэ ящыщщ.