2017 гъэм фокIадэм и 27-м, Тхьэм и Жор ЛъапIэр щызэфIагъэувэжа махуэшхуэм, Псыхуабэ, Черкесск щIыналъэхэм я щихънагъ нэхъыщхьэ Феофилакт иригъэкIуэкIащ Кисловодск Тхьэм и Жор ЛъапIэр щызэфIагъэувэж члисэм и пащтыхь шэнтиуэ махуэшхуэр. Щоджэн нэхъыщхьэм къулыкъур драгъэкIуэкIащ Кисловодск члисэ округым и екIуэлIапIэхэм я щоджэнхэм щоджэн нэхъыжь Знаменский Иоанн я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм Тхьэм и Анэм и «Скоропослушница» тхьэнапэм и цIэр зезыхьэ сабий садым и гъэсэнхэр, къэзакъхэр, екIуэлIапIэм кIуэхэр, махуэшхуэм и хьэщIэхэр къыIущIащ.
ТхьэлъэIу нэужьым щихънагъ нэхъыщхьэм махуэшхуэм теухуа узэщIыныгъэ жиIащ, екIуэлIапIэм кIуэхэм ехъуэхъуащ, зэхуэса сабийхэм саугъэтхэр яритащ. Жор ЛъапIэр щызэфIагъэувэж махуэшхуэр тохуэ сабий гъэсапIэм и лэжьакIуэхэм я махуэшхуэм. Архиепископ Феофилакт ехъуэхъуащ чристэн сабий гъэсапIэм и унафэщIымрэ и лэжьакIуэхэмрэ я махуэшхуэмкIэ икIи щIыхь тхылъхэр яритащ. Щихънагъ нэхъыщхьэр сабий гъэсапIэм щыIащ, махуэшхуэ концерт еплъащ.