Быйыл сентябрь айны 25-де Пятигорскеде Шимал Кавказ Федерал Округда Эресейни толу эркинликли келечисини резмденциясында, Эресейни Президентини ышыгъында болгъан ШКФО къазакъланы ишлерини хакъындан Советни округ комиссиясыны кенгеши болуб етдю. Аны ишине Пятигорске бла Черкесскени архиепископу Феофилакт да къошулгъан эди. Комиссия, Къабарты- Малкъар бла Терк Башы Тегей республикалада къазакълагъа болушлукъ этиу норматив-право джаны бла сорууланы игилендириуге къарады.Аны тышында да округну джеринде болгъан къазакъ организацияланы кърал реестрге киргизиуню ишлерин да сюздюле. Кенгешни аллын ача, ШКФО-да Эресейни Президентини толу эркинликли келечисини орунбасары Галактионов Андрей,Эресейде къазакъланы юсю бла 2020-чы джылгъа дери кърал политика стратегиясын айнытыу бла хайырландырыуну юсюнден Сочиде Ведомствола арасы комиссияны кенгеши болуб етгенинден хапар айтды. Комиссияны кенгешинде баргъан ушакъда къауум чструктурала бла организацияла хыртха урулдулам эмда Стратегияны хайырландырыуну игилендирир мадарла да теджелдиле.
Терк аскер къазакъ джамагъатны атаманы Журавский Александр, ШКФО-да къазакълагъа келтюргючлюк этиу джанындан норматив-право базаны игилендириу иш этиледи, аны юсю бла Ставрополь крайны сынамы алыннганды , деб хапар айтды. Быйыл сентябрны 1-не Терк аскер къазакъ обществону къурамына 232 къазакъ дзжамагъат
киреди, аланы арасында 5 округ, 24 район, 18 шахар, 72 стансе, 113 да эл джамагъат барды. Аладан 152 къвазакъ джамагъат кърал реестрге киргенлерине шагъатлыкъ этген къагъытла алгъандыла, ол кергюзюм къалгъанладан эсе азды. Терк аскер къазакъ обществону правлениясыны базасында болгъан «Ставрополь край къазакъ аралыкъ» джангы ишчи къауум къурагъанды, ол Эресейде къазакъ джамагъатланы кърал реестрге къошаргъа керекли документлерин джарашдырыргъа болушурукъду.
Архиепископ Феофилакт да, Пятигорскеде 19-чу номерли школ бла Къыблаэресей лицейде билим берген къазакъ проектледен хапар айтды. Владыка чертгенден, быйыл окъуу джылдан башлаб, къазакъ-кадетле Нарсананы Свято-Никольский гимназиясында да бардыла. Ставрополь крайда Эресейни юстициясыны Министерствосуну Баш управлениясыны тамадасыны орунбасары Терещенко Николай, юстиция органланы къазакъ обществола бла къазакъ джамагъат организацияла бла байламлылыкъ джюрютгенлеринден хапар айтды. Бирге этилген ишни себебинден къазакъ джамагъатны типовой уставы джарашдырылгъанды. Эресейни Ставрооль крайда Минюстуну Баш управлениясыны усталары, кърал ресстрге кириуню сюсю бла къазакъ джамагъатланы келечилерине оноу юретгенлей турадыла. Комиссияны членлери дагъыда, эл мюлк къазакъ кооперативлени управленияларын деменгли этиу эмда аланы материал-техника базалары бла финанс-экономика болумларын игилендириуню сорууларын сюздюле. Кенгешни кезюуюнде кърал реестрге кирген аскер къазакъ обществоланы Форумуну чегинде, Эресейни Президентини ышыгъында болгъан къазакъланы ишлерини хакъындан Советни кенгеши боллугъу да белгили болду. Совет Краснодарда октябрны 5-ден 6-на дери барлыкъды.