2017 гъэм фокIадэм и 22-м Свято-Сергиевскэ гимназием и кадет классхэм я еджакIуэхэр Черкесск и коррекцэ школым щыIащ. Гимназием и гъэсэнхэм школым я еджакIуэхэр хагъэгъуэзащ шынагъуэхэм уазэрыпэщIэтынум. Гъунапкъэхъумэ ныбжьыщIэхэм еджакIуэхэр хагъэгъуэзащ гъуэгум щызекIуэ хабзэхэм, уэрамхэм, гъуэгухэм, машынэхэм я хабзэхэр къызэрызэпамыудынум яхутепсэлъыхьащ. МафIэсгъэункIыфIхэм ягъэлъэгъуащ «Правила поведения при пожаре» фильмыр, мафIэм зыщахъумэну къыхураджащ икIи мафIэс къэмыгъэхъуным ухэзыгъэгъуазэ буклетхэр тыгъэ хуащIащ. КъегъэлакIуэ ныбжьыщIэхэм я куратор Денисенкэ Виктор и гъусэу къагъэлъэгъуащ псым къызэрырагъэлыр, школым и гъэсэнхэри абы хагъэгъуэзащ. ХьэщIэхэм еджакIуэхэм къуажэхьхэр кърагъэщIащ икIи псым къызэрырагъэлым хэзыгъэгъуазэ тхылъымпIэхэр иратащ.