2017 гъэм фокIадэм и 16-м екIуэкIащ Кавминводы къыщызэрагъэпэща хьэуам къыщызылъэтыхьхэм я 19-нэ зэпеуэр. ЕссэнтIыгу и гуэлым деж абы щеплъыну зэхуэсащ гъунэгъу къалэхэм къикIахэмрэ къалэдэс зызыгъэпсэхухэмрэ. Пилот нэхъыфIхэм саугъэтхэр иратащ.
Къэзылъэтыхьхэм я «Кавказские Минеральные Воды – жемчужина России» 19-нэ фестивалым и саугъэт нэхъыщхьэр – ЕссэнтIыгу и Iэтащхьэм и кубокыр хуагъэфэщащ Летуновский Михаил. Къызэхуэсахэм захуигъэзащ ЕссэнтIыгу и Пантелеимоновскэ члисэм и унафэщI щоджэн Журавлев Михаил. Саугъэт щхьэхуэ иратащ Пантелеимоновскэ члисэм нэхъ гъунэгъуу блэлъэта аэронавтым. Щоджэным абы члисэм и хъумакIуэм и теплъэр тыгъэ хуищIащ.