2017 гъэм фокIадэм и 1-м илъэс 80 мэхъу Псыхуабэрэ Прикумскрэ я епископ Никифор (Ефимов) бэлыхь куэд ишэчу дунейм зэрехыжрэ. Псыхуабэ и Михайловскэ члисэ, щихънагъым 1930 гъэм къулыкъу щищIам, члисэм и унафэщI, Псыхуабэ члисэ округым и екIуэлIапIэхэм я благочиннэ щоджэн нэхъыжь Дубинский Борис Кавказым щаукIа щихъым папщIэ тхьэлъэIу иригъэкIуэкIащ.
И пастыр псалъэм благочиннэм къыщыхигъэщащ Чристэн Члисэм и пастыр гуапэу ар зэрыщытар. «И къулыкъум къриубыдэу ар ирихьэлIащ цIыхухэм я лъэныкъуэ куэдым, ар дэтхэнэ зы цIыхуми и гъащIэми, Соломон Iущым хуэдэу, пхыплъыфырт, щхьэж къылъысыр хуигъэфащэу».
Апхуэдэу Борис къыхигъэщащ щихънагъ Никифор и деж щыщIэдзауэ Михайловскэ члисэр Псыхуабэ, Прикумскэ епархием и центр зэрыхъуар 1936 гъэм ар зэхуащIыжыху. «Ди тхыдэджхэм къахутащ Кисловодск и Пантелеимоновскэ члисэр кафедральнэ члисэ зэхуэхьэсам зэрыхуэмыщIар икIи ар Псыхуабэ игъэIэпхъуэну мурад ищIащ. Апхуэдэу, Никифор (Ефимов) и фIыгъэкIэ ди члисэр епархием и центр мэхъу къыкIэлъыкIуэ илъэсихми», - жиIащ унафэщIым. А махуэм щихънагъ Никифор и фэеплъыр ягу къыщагъэкIыжащ Черкесск, Мейкъуапэ, Кисловодск, Левокумскэ къуажэм.
***
Щихънагъ Никифор (Ефимов) 1888 гъэм Оренбургскэ губернием и Челябинскэ уездым и Косулинэ къуажэм къыщалъхуащ. И гъащIэм къриубыдэу члисэм къулыкъу зэхуэмыдэхэр щрихьэкIащ, алтарникым щыщIэдзауэ Благовещенскэ Духовнэ консисторием и столоначальникыу, Приамурскрэ Благовещенскрэ я секретарь Евгений (Зёрнов) и жыIэм щIэтащ 1923 гъэ пщIондэ. А гъэ дыдэм Совет властым игъэтIысащ. Щхьэхуит къэхъужа нэужь, Никифор куэдрэ къулыкъу ищIакъым икIи 1924 гъэм, пастыр нэхъыщхьэм зэрыжиIэжамкIэ етIуанэуи ягъэтIысауэ щытащ. 1926 гъэм щыщIэдзауэ Хабаровск и епсикопу щытащ. 1927 гъэм аргуэру ягъэтIысри илъэсищкIэ яIыгъащ. 1929 гъэм Вятскэ епархиер зригъэкIуащ пIалъэкIэ. ИужькIэ а гъэ дыдэм Псыхуабэ, Прикумскэ кафедрэм щагъэуври 1930 гъэ пщIондэ щылэжьащ. Властым зэхэзехуэн зэрищIами емылъытауэ, пастыр нэхъыщхьэр зыми къыхузэфIэгъэщIакъым, абы ди епархием и Iэгъуэблагъуэм щыпищащ члисэм зригъэужьыным, цIыхухэм диныр яхэхьэным. 1930 гъэм Никифор аргуэру ягъэтIысащ икIи илъэсипщI тралъхьащ. 1937 гъэм шыщхьэуIум и 26-м ар яукIыну унафэ ящIащ. 1937 гъэм фокIадэм и 1-м ар
ягъэзэщIащ.