2017 гъэм фокIадэм и 2-м Кисловодск и Курорт бульварым щыIущIащ «За веру, волю, Отечество» къэзакъ щэнхабзэм и махуэшхуэм, Тэрч къэзакъыдзэр илъэс 440-рэ зэрырикъум и щIыхькIэ къызэрагъэпэщам. Зэхыхьэхэм хэтащ Псыхуабэ, Черкесск епрахием и щоджэн къэзакъ Дьячков Александр, Свято- Никольскэ классическэ гимназием и къэзакъ-кадет къудамэм щеджэхэр.
Махуэшхуэр театр теплъэгъуэкIэ къызэIуаха нэужь, къэзакъхэр еувэкIри, ныпыр къыщIахащ. Александр фIыщIэ яхуищIащ махуэшхуэр зи жэрдэмхэм. Щоджэным къызэхуэсахэм ялъигъэIэсащ Псыхуабэ, Черкесск щIыналъэхэм я щихънагъ нэхъыщхьэ Феофилакт и фIэхъусыр икIи щIэх-щIэхыу члисэм кIуэну къызэрыхуриджэр.
Махуэшхуэм пащащ властым и органхэм, къэзакъхэм, хьэщIэ лъапIэхэм я унафэщIхэм я хъуэхъукIэ, IуэрыIуатэ гупхэм я зыкъэгъэлъэгъуэныгъэкIэ. Къэзакъхэм я парадыр щекIуэкIащ Курорт бульварым щыщIэдзауэ Никольскэ члисэ зэхуэхьэсам нэс. Абдеж клирик, щоджэн нэхъыжь Грамацкий Андрей фIыщIэ тхьэлъэIу щригъэкIуэкIащ. Никольскэ члисэ зэхуэхьэсам и Iэгъуэблагъуэм Iэнэхэр щагъэуващ.