2017 гъэм фокIадэм и 1-м Кисловодск къалэм и Свято-Никольскэ классическэ гимназием зэхуэс щекIуэкIащ. ЩIэныгъэм и махуэр тхьэлъэIукIэ ирагъэжьащ. Ар ригъэкIуэкIащ гимназиер къызэзыгъэпэща, Псыхуабэ, Черкесск щIыналъэхэм я щихънагъ нэхъыщхьэ Феофилакт, гимназием и унафэщI щоджэн нэхъыжь Знаменский Иоаннрэ щоджэн нэхъыжь Чеканов Димитрийрэ и дэIэпыкъуэгъуу.
Щихънагъ нэхъыщхьэ Феофилакт егъэджакIуэхэмрэ абы я гъэсэнхэмрэ ехъэухъуащ 26 гъэ еджэгъуэр зэрырагъэжьэжамкIэ: «ФокIадэм и зыр псори зэкъуэзыгъэувэ махуэшхуэщ. Дэтхэнэми школ, студент гукъэкIыжхэр дохъумэ егъэджакIуэхэмрэ ныбжьэгъухэмрэ ятеухуауэ. Гъэ еджэгъуэщIэр – творческэ зэфIэкIхэм зыщиужь, щIэныгъэ щызэбгъэгъу’т лъэхъэнэщ. Мы махуэшхуэм ирихьэлIэу егъэджакIуэхэм фIыщIэ фхузощI фи лэжьыгъэм, къыхэфха IэщIагъэм фызэрыхуэпэжым, фи IущагъымкIэ щIэблэм фазэрыдэгуашэм, фи хуабагъым щыщ Iыхьэ зэрабгъэдэфлъхьэм папщIэ. ЕгъэджакIуэхэм узыншагъэ, шыIэныгъэ, лъагъуныгъэ фиIэну, еджакIуэхэм гъэ еджэгъуэщIэр фхуэугъурлыну, ехъулIэныгъэ фиIэну Тхьэм жиIэ!», - захуигъэзащ Пастыр нэхъыщхьэм. Гимназием и гъащIэм къыщыхъу Iуэхугъуэхэр трахын папщIэ абы видеокамерэ тыгъэ яхуищIащ.
Гъэ еджэгъуэщIэмкIэ сабийхэмрэ абыхэм я егъэджакIуэхэмрэ ехъуэхъуну къызэхуэсащ хьэщIэ лъапIэхэр: Кисловодск къалэ-зыгъэпсэхупIэм и Iэтащхьэ Курбатов Александр, къалэ Думэм и депутат Гордеев Иван, къалэ администрацэм и управленэм и унафэщI Бутин Юрий, Кисловодск къалэ-зыгъэпсэхупIэм и администрацэм щэнхабзэмкIэ и комитетым и унафэщI Сквиренкэ Иннэ, Попечительскэ советым хэтхэр, нэгъуэщIхэри.
УнафэщIым гъэсэныгъэ IуэхухэмкIэ и къуэдзэ Синявская Татьянэ и унафэм щIэт махуэшухэ концертым кърихьэлIахэм я нэгу зригъэужьащ икIи абы къекIуэлIахэм я хъуэхъухэмкIэ ар гъэнщIауэ щытащ.
Гимназием и гимным щIэту еджапIэм и штандартымрэ Тэрч къэзакъыдзэм Ставрополь щиIэ къэзакъ округым и ныпыр къыщIахащ гимназием и къэзакъ-кадет къудамэм щIэсхэм. Япэ уэзджынэр къегъэуэн щIыхь зхыпылъ къалэныр хуагъэфэщащ 11 классым щеджэ Шаповалов Борисрэ 1 классым щIэс Чекановэ Елизаветэрэ.
Зэхуэс нэужьым щихънагъ нэхъыщхьэ Феофилакт гимназием и унафэщI щоджэн нэхъыжь Знаменский Иоанн щIыгъуу япэ классым кIуэхэм я япэ дерсыр ирагъэкIуэкIащ, адэ-анэхэм фIыщIэ хуащIащ гимназием дзыхь къызэрырагъэзам папщIэ икIи я бынхэр ягъэсэнымкIэ Тхьэр къадэIэпыкъуну ехъуэхъуащ.
2017 гъэм фокIадэм и 1-м Чристэн гимназием еджакIуэ 250-рэ щIэсщ. Япэ классым цIыху 27-рэ щIэтIысхьащ. ЕджапIэм егъэджакIуэ 25-рэ щолажьэ.