2017 гъэм бадзэуэгъуэм и 28-м Урупскэ муниципальнэ район администрацэм и актовэ пэшым щекIуэкIащ Урупскэ районым и къэзакъ зэгухьэныгъэм и зэхуэсым и отчёт. Лэжьыгъэм и пэ къихуэу тхьэлъэIу иригъэкIуэкIащ Ипщэ Къэрэшей-Шэрджэс члисэ округым и благочиннэм къэзакъхэм ядэлэжьэнымкIэ и дэIэпыкъуэгъу щоджэн Соловьев Алексий. ЗэIущIэм и лэжьыгъэм хэтащ округым и благочиннэ щоджэн нэхъыжь Субтельный Евгений.
Къызэхуэсахэм захуигъэзащ Урупскэ муниципальнэ район администрацэм и Iэтащхьэм и къуэдзэ Ижаев Чэмал. Абы къыхигъэщащ районым и къэзакъхэр зэрыжыджэрыр, ахэр район зэхыхьэхэм зэрыхэтыр, хабзэр къызэпымыудынымкIэ дэIэпыкъуэгъу зэрыхъур.
Къызэхуэсахэм я пащхьэм доклад щищIащ Урупскэ районым и къэзакъ зэгухьэныгъэм и атаман Гежин Виталий. Зэгухьэныгъэм и атаманым и къалэнхэр зыгъэзащIэ Виталий мы илъэсым къриубыдэу зэгухьэныгъэм щекIуэкIа Iуэхугъуэхэр къызэщIикъуэжащ. Псом хуэмыдэу 2016 гъэм зэгухьэныгъэм спорт зэхьэзэхуэхэр иригъэкIуэкIащ, Псыхуабэ, Черкесск щIыналъэхэм я щихънагъ нэхъыщхьэ Феофилакт и саугъэтыр къэхьынымкIэ къэзакъ спартакиадэр хъыщхьэу. Урупдэсхэм спартакиадэм зэфIэкI къыщагъэлъэгъуащ икIи япэ увыпIэр къахьащ.
Атаманым и докладым къытеувыIа нэужь, ревизэ комиссэм, нэхъыжьхэм я советымрэ къэзакъ судымрэ я унафэщIхэм, Урупскэ районым и къэзакъ зэгухьэныгъэм и Правленэм я докладхэм къытеувыIа нэужь, къызэхуэсахэм лэжьыгъэхэр къехъулIауэ къалъытащ.