Черкесск и социальнэ IуэхущIапIэхэм щыIэхэм ехъуэхъуащ Урысейр умэхъын щащIа махуэшхуэмкIэ 2017 гъэм бадзэуэгъуэм и 24-26- хэм Никольскэ члисэм и клирик щоджэн Гурин Александр Урысейр умэхъын зэращIамкIэ ехъуэхъуащ Черкесск и социальнэ IуэхущIапIэхэм щыIэхэм.
Бадзэуэгъуэм и 24-м Черкесск жьы хъуахэмрэ ныкъуэдыкъуэхэмрэ я интернат дэтым щыIэхэм щоджэныр яхутепсэлъыхьащ апостол пэлъытэ, пащтыхь гуащэ Ольгэ и гъащIэм. Ар хэлэжьыхьащ Урысейм чристэн диныр хыхьа хъуным, Урысейр умэхъын зэращIам и тхыдэм, джыназ Владимир и псэукIам. Щоджэным псы гъэнэхун тхьэлъэIур иригъэкIуэкIа нэужь, фIэщхъуныгъэ зиIэхэм щихъ Владимир и теплъэр, епархием и журналым и номерыр яритащ. Администрацэм и лъэIукIэ Александр интернатым и пэшхэм псы лъапIэм щыщ щIиутхащ.
Бадзэуэгъуэм и 25-м, къапэщылъ махуэшхуэм и щIыхькIэ, «Специализированный дом ребенка» МБУ-м и дохутыр нэхъыщхьэ Казаченкэ Алексей сабий зеиншэхэм папщIэ Черкесск и Никольскэ члисэм зыплъыхьакIуэ къыщызэригъэпэщащ. Щоджэн Гурин Александр цIыкIухэр хигъэгъуэзащ члисэм и лъапIэныгъэхэм, Урысейм и умэхъакIуэхэм, тыхь щIапIэр, сабийхэм я пэшыр яригъэлъэгъуащ. Псом хуэмыдэу сабийхэм нэхъ ягу ирихьащ Тхьэм и Анэм и «Гъэсэныгъэ» тхьэнапэр. Абдеж ахэр Тхьэм къадэIэпыкъуну щелъэIуащ. ИужькIэ ныбжьыщIэхэр уэзджынэ ягъэзууну кIуащ икIи абы хэтащ.
Бадзэуэгъуэм и 26-м Черкесск щыIэ Нэфхэм я урысейпсо зэгухьэныгъэм ягу къыщагъэкIыжащ апостол пэлъытэ джыназ Владимир и фэеплъыр. А махуэм псы гъэнэхуа тхьэлъэIур ирагъэкIуэкIащ икIи епархием и «Благословенный Кавказ» журналыр ягуэшащ.