2017 гъэм бадзэуэгъуэм и 15-м, Псыхуабэ, Черкесск щIыналъэхэм я щихънагъ нэхъыщхьэ Феофилакт тхьэлъэIу литургие щригъэкIуэкIащ Нижнеподкумскэ къуажэм и Георгиевскэ члисэм. Щоджэн нэхъыщхьэм къулыкъур драгъэкIуэкIащ Псыхуабэ члисэ округым и екIуэлIапIэхэм я благочиннэ щоджэн нэхъыжь Дубинский Борис, члисэм и унафэщI щоджэн Беляев Михаил, къардэн нэхъыжь Кубэ Димитрий.
ХъыбарыфIхэр зэрыт тхылъ лъапIэм къеджа нэужь, щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ. Ектении нэужьым Пастыр нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ. ТхьэлъэIур щызэхуащIыжым, щоджэн нэхъыщхьэм Тхьэм и Анэр игъэлъэпIащ. ИужькIэ Жорыр яритащ ба хуащIыну икIи екIуэлIапIэм къэкIуахэм епсэлъащ.
А махуэм и пщыхьэщхьэм щихънагъ нэхъыщхьэ Феофилакт Псыхуабэ и Спасскэ кафедральнэ члисэ зэхуэхьэсам тхьэлъэIу щригъэкIуэкIащ. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и клирикхэм. ТхьэлъэIу уэрэдхэр жиIащ члисэ зэхуэхьэсам и хор Кубэ Аннэ зэригъакIуэм. Пастыр нэхъыщхьэм фIэщхъуныгъэ зиIэхэм дагъэ лъапIэм щыщ ящихуащ.